Hari Katha: తలసాని ఆవిష్కరించిన ఫస్ట్ లుక్ పోస్టర్!

కిరణ్, రంజిత్, సజ్జన్, అఖిల్ రామ్, లావణ్య రెడ్డి, కీర్తి ప్రధాన పాత్రలు పోషించిన సినిమా ‘హరికథ’. ఐరావత సినీ కలర్స్ బ్యానర్ పై రంజిత్ కుమార్ గౌడ్, వివేకానంద, రఘు , కవిత సంయుక్తంగా ఈ సినిమాను నిర్మించారు. అనుదీప్ రెడ్డి దర్శకత్వం వహించిన ఈ ఫ్యామిలీ ఎంటర్ టైనర్ ఫస్ట్ లుక్ పోస్టర్ ను సినిమాటోగ్రఫీ మినిస్టర్ తలసాని శ్రీనివాస్ యాదవ్ శనివారం విడుదల చేసి చిత్ర బృందానికి అభినందనలు తెలిపారు.

ఈ సందర్భంగా అనుదీప్ రెడ్డి మాట్లాడుతూ, ”ఈ ‘హరికథ’ వినూత్నమైన సినిమా. అన్ని వర్గాలకు నచ్చే కుటుంబ, ప్రేమ కథా చిత్రం. ఎక్కడా రాజీ పడకుండా తీర్చిదిద్దిన సినిమా ఇది. ప్రస్తుతం పోస్ట్ ప్రొడక్షన్ వర్క్ జరుగుతోంది” అని అన్నారు. చిత్ర నిర్మాతలు మాట్లాడుతూ, ”దర్శకుడు చెప్పిన కథ  బాగా నచ్చి దీన్ని నిర్మించడం జరిగింది. కుటుంబ సమేతంగా చూడదగ్గ అంశాలన్నీ ఇందులో ఉన్నాయి. దర్శకుడు కథ చెప్పిన విధంగానే సినిమా బాగా తీశారు. నటీనటులందరూ ఎంతో చక్కగా నటించారు. త్వరలోనే మంచి విడుదల తేదీతో ప్రేక్షకుల  ముందుకు వస్తాం. మా సినిమా ఫస్ట్ లుక్ పోస్టర్ ను విడుదల చేసిన సినిమాటోగ్రఫీ మినిస్టర్ తలసాని శ్రీనివాస్ యాదవ్ గారికి ధన్యవాదాలు” అని అన్నారు. ఈ చిత్రానికి కెమెరామెన్ గా మస్తాన్ షరీఫ్ వ్యవహరించగా, బొంతల నాగేశ్వర్ రెడ్డి ఎడిటింగ్ బాధ్యతలు నిర్వర్తించారు. మహావీర్ సంగీతం సమకూర్చారు.