Mega 158: ‘మెగా’ డాటర్ ఫిక్స్.. సినిమాకే హైలైట్‌ అవ్వనుందా!

Anashwara Rajan in Chiranjeevi’s Mega 158: బాబీ కొల్లి దర్శకత్వంలో మెగాస్టార్ చిరంజీవి నటిస్తున్న ‘మెగా 158’ ప్రాజెక్ట్ గ్రాండ్‌గా లాంచ్ అయింది. ఈ చిత్రం పూజా కార్యక్రమం ఈరోజు ఉదయం హైదరాబాద్‌లో వైభవంగా ప్రారంభమైంది. ఈ కార్యక్రమానికి పవర్ స్టార్ పవన్ కళ్యాణ్, మెగా బ్రదర్ నాగబాబు కూడా హాజరయ్యారు. ఈ ముగ్గురు అన్నదమ్ములను ఒకే ఫ్రేమ్‌లో చూసి మెగా భిమానులు పండగ చేసుకుంటున్నారు. ఇక ఈ వేడుకకు యంగ్ బ్యూటీ అనశ్వర రాజన్ కూడా హాజరైంది.

మలయాళ చిత్ర పరిశ్రమలో అద్భుతమైన నటనతో ఆకట్టుకున్న అనశ్వర రాజన్.. తెలుగులో ‘చాంపియన్’ సినిమాతో ప్రేక్షకులకు చేరువైంది. ఇక ఇప్పుడు టాలీవుడ్‌లో భారీ ఆఫర్‌ను సొంతం చేసుకుంది. మెగా 158లో ఆమె ఒక కీలక పాత్రకు ఎంపికైంది. నిజానికి మెగా 158 మూవీ కూతురు సెంటిమెంట్‌తో తెరకెక్కనుందని ముందు నుంచి ప్రచారంలో ఉంది. ఈ నేపథ్యంలో మెగాస్టార్ డాటర్ రోల్ కోసం పలువురు ముద్దుగుమ్మల పేర్లు వినిపించాయి. ఫైనల్‌గా ఆ ఛాన్స్‌ను అనశ్వర రాజన్ కొట్టేసింది.

సినిమాలో అనశ్వర రాజన్ పాత్ర కీలకంగా, కథను మలుపు తిప్పే విధంగా ఉండబోతోందని సమాచారం. తండ్రీకూతుళ్ల మధ్య వచ్చే ఎమోషనల్ సీన్స్ సినిమాకే హైలైట్‌గా నిలవనున్నాయని టాక్. మెగాస్టార్‌తో స్క్రీన్ షేర్ చేసుకోవడం అనశ్వర కెరీర్‌కు మరింత ప్లస్ కానుంది. ఇక ఈ సినిమాలో హీరోయిన్‌గా ప్రియమణి పేరు వినిపిస్తోంది. త్వరలోనే మెగా 158 స్టార్ క్యాస్టింగ్ గురించి చిత్ర యూనిట్ నుంచి అధికారిక ప్రకటన రానుంది. మరి ఈసారి ‘వాల్తేరు వీరయ్య’ కాంబినేషన్ ఎలాంటి సెన్సేషన్ క్రియేట్ చేస్తుందో చూడాలి.