Manjummel Boys : ఓటీటీలోకి వచ్చేసిన మలయాళం బ్లాక్ బస్టర్ మూవీ.. స్ట్రీమింగ్ ఎక్కడంటే..?

తెలుగు ప్రేక్షకులకు ప్రస్తుతం మలయాళం మూవీస్ పై పిచ్చ క్రేజ్ వుంది.కాన్సెప్ట్ బేస్డ్ కథలతో ఆ మూవీస్ తెరకెక్కుతుండటంతో ఆ సినిమాలకు ఇప్పుడు తెలుగులో మంచి క్రేజ్ ఏర్పడింది. మలయాళీ బ్లాక్ బస్టర్ హిట్ మూవీ మంజుమ్మల్ బాయ్స్.. మలయాళంలో గ్రాండ్ గా రిలీజ్ అయిన ఈ  మూవీ చరిత్రను తిరగరాసింది. రూ. 200 కోట్ల కలెక్షన్స్ రాబట్టి అదరగొట్టింది. చిదంబరం దర్శకత్వం వహించిన ఈ సినిమాలో సౌబిన్ షాహిర్, శ్రీనాథ్ బాసి, బాలు వర్గీస్, గణపతి ఎస్ పొదువల్, జీన్ పాన్ లాల్ మరియు పక్ పరంబోల్ కీలకపాత్రలు పోషించారు.పరవ ఫిలింస్ బ్యానర్ పై బాబు షాహిర్, సౌబిన్ షాహిర్ మరియు షాన్ ఆంటోని ఈ చిత్రాన్ని నిర్మించారు.

మలయాళీ బాక్సాఫీస్ వద్ద భారీ విజయాన్ని అందుకున్న ఈ సినిమాను ను తెలుగు రాష్ట్రాల్లో ప్రముఖ నిర్మాణ సంస్థ మైత్రీ మూవీ మేకర్స్ ఏప్రిల్ 6న రిలీజ్ చేయగా ఇక్కడ కూడా మంచి రెస్పాన్స్ వచ్చింది. రెండు తెలుగు రాష్ట్రాల్లో ఈ సర్వైవల్ థ్రిల్లర్ మూవీకి మంచి ఆదరణ లభించింది.ఇదిలా ఉంటే ఈ మూవీ ఓటీటీ స్ట్రీమింగ్ కోసం ప్రేక్షకులు ఎంతో ఆసక్తిగా ఎదురుచూస్తున్నారు.ఎట్టకేలకు ఓటిటి ప్రేక్షకుల నిరీక్షణకు తెరపడింది. ఈ మూవీ ఇప్పుడు ఓటీటీలోకి వచ్చేసింది. ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో గత అర్దరాత్రి నుంచి ఈ మూవీ స్ట్రీమింగ్ కు వచ్చేసింది. తెలుగు, తమిళం, కన్నడ, మలయాళం మరియు హిందీ భాషలలో ఈ మూవీ అందుబాటులో ఉంది.