Mani Ratnam: మణిరత్నం కొత్త సినిమాకు టైటిల్ ఫిక్స్.. ఇదే ఆ పేరు!

Mani Ratnam: స్టార్ డైరెక్టర్ మణిరత్నం తన కొత్త సినిమాకు టైటిల్‌ను తాజాగా ప్రకటించారు. విజయ్ సేతుపతి, సాయిపల్లవి ప్రధాన పాత్రల్లో తెరకెక్కుతున్న ఈ చిత్రానికి ‘ఇంజివెల్లం’ (Inji Vellam) అనే పేరును ఫిక్స్ చేశారు. మలయాళంలో ‘ఇంజి వెల్లం’ అంటే తెలుగులో ‘అల్లం నీరు’ అని అర్థం. టైటిల్‌తోనే మేకర్స్ ఈ సినిమాపై ఆసక్తిని పెంచారు. మణిరత్నం మార్క్‌కు తగ్గట్టుగా ఈ మూవీని ఓ వైవిధ్యమైన రొమాంటిక్ డ్రామాగా తెరకెక్కిస్తున్నట్లు తెలుస్తోంది. తాజాగా విడుదలైన ప్రచార చిత్రాన్ని పరిశీలిస్తే.. కథకు కోల్‌కతా నగరం నేపథ్యంగా ఉండనున్నట్లు అర్థమవుతోంది. అయితే ఈ సినిమా స్టోరీకి సంబంధించిన పూర్తి వివరాలను చిత్రబృందం ఇంకా వెల్లడించలేదు.

విభిన్నమైన కథలను ఎంచుకుంటూ తన నటనతో మెప్పించే విజయ్ సేతుపతి, న్యాచురల్ యాక్టింగ్‌కి పేరున్న సాయిపల్లవి తొలిసారి మణిరత్నం దర్శకత్వంలో కలిసి నటిస్తుండటం ఈ సినిమాకు ప్రధాన ఆకర్షణగా మారింది. వీరిద్దరి కాంబినేషన్‌పై ప్రేక్షకుల్లో ఇప్పటికే ఆసక్తి నెలకొంది. మరోవైపు ఈ చిత్రానికి మ్యూజిక్ మాస్ట్రో ఏఆర్ రెహమాన్ సంగీతం అందిస్తున్నారు. మణిరత్నం – ఏఆర్ రెహమాన్ కాంబినేషన్‌కు ప్రత్యేకమైన క్రేజ్ ఉండటంతో ఈ సినిమాపై అంచనాలు మరింత పెరిగాయి. లైకా ప్రొడక్షన్స్, మద్రాస్ టాకీస్ సంయుక్తంగా నిర్మిస్తున్న ఈ చిత్రం టైటిల్ అనౌన్స్‌మెంట్‌తోనే ప్రేక్షకుల్లో ప్రత్యేకమైన బజ్‌ను క్రియేట్ చేసింది. ఈ సినిమా గురించి మరిన్ని వివరాలు ఎప్పుడు వెల్లడిస్తారనే ఆసక్తి ప్రస్తుతం అభిమానుల్లో నెలకొంది. విజయ్ సేతుపతి, సాయిపల్లవి నటనతో పాటు మణిరత్నం డైరెక్షన్, ఏఆర్ రెహమాన్ మ్యూజిక్ ఈ సినిమాకు ప్రత్యేక ఆకర్షణగా నిలవనున్నాయి.

#InjiVellam #ManiRatnam @arrahman #Subaskaran @MadrasTalkies_ @LycaProductions @VijaySethuOffl @Sai_Pallavi92 @sreekar_prasad #AvikMukhopadhayay @ekalakhani #SharmishtaRoy @BrindhaGopal1 @dhilipaction @AmbadyRanjith @bagapath @gkmtamilkumaran @sonymusicsouth @NetflixIndia… pic.twitter.com/jjJoEjvr3H

— Lyca Productions (@LycaProductions) September 7, 2026