అనిల్ రావిపూడి డైరెక్షన్లో మెగాస్టార్ చిరంజీవి హీరోగా తెరకెక్కిన సినిమా మన శంకర వరప్రసాద్ గారు. నయనతార హీరోయిన్ గా నటించింది. సంక్రాంతికి వస్తున్నాం తర్వాత అనిల్ రావిపూడి నుండి వస్తున్న ఈ సినిమాపై ఇప్పటి నుండే భారీ అంచనాలు ఉన్నాయి. ఈ సినిమాను భారీ చిత్రాల నిర్మాణ సంస్థ షైన్ స్క్రీన్స్ బ్యానర్ పై సాహు గారపాటి మరియు గోల్డ్ బాక్స్ ఎంటర్టైన్మెంట్స్ పై సాహు గారపాటి, సుష్మిత కొణిదెల సంయుక్తంగా నిర్మించారు.
మెగాస్టార్ సింపుల్ ఎంట్రీతో స్టార్ట్ అయిన సినిమా మొదటి చాలా నెమ్మదిగా కదులుతూ ఉంటుంది. కథలోకి వెళ్లే కొద్దీ గాడిన పడుతుంది. మంచి సాంగ్స్, చిరు తన ట్రేడ్మార్క్ టైమింగ్తో అలరిస్తారు. కామెడీ కొన్ని చోట్ల మెప్పిస్తుంది. అలాగే కొన్ని ఎపిసోడ్స్ చిరు ఒకప్పటి సినిమా డాడీ సినిమాను గుర్తుకుతెస్తుంది. కొత్తగా ఏమి అనిపించదు కానీ అలరిస్తుంది. తనదైన పచులతో వింటేజ్ చిరు గుర్తుకువస్తాడు. హుక్ స్టెప్ సాంగ్ ఫ్యాన్స్ కు మంచి ట్రేట్ ఇస్తుంది. ఓవరాల్ గా ఫస్టాఫ్ మెప్పిస్తుంది. ఇక సెకండాఫ్ స్టార్ట్ అయినా కాసేపటికె ఎదో తేడా కొడుతుందే అనే ఫీల్ తెస్తుంది. ప్రథమార్ధంలో ఉన్న వేగం.. ద్వితీయార్ధంలో కనిపించదు. కథ నెక్ట్స్ ఏమి జరగబోతుందో తెలిసిపోతుంది. కొత్తగా ఏమీ అనిపించక రొటీన్ రెగ్యులర్ గా బోర్ ఫీల్ అనిపిస్తుంది. చివరలో వెంకటేష్ రంగప్రవేశంతో కొంచెం ఉత్సాహం వస్తుంది. ఆ సీన్లు కూడా ఆహా అనే రేంజ్ లో ఏముండదు. జస్ట్ ఒకే అనిపిస్తాయి. క్లైమాక్స్ అయితే రొటీన్ గా గతంలో చాలా సినిమాలలో చూసేసిన ఫీల్ అనిపిస్తుంది. ఓవరాల్ గా సంక్రాంతికి వస్తున్నాం రేంజ్ కాదుగాని F3 సినిమాలా ఓ మోస్తరు కామెడీ సినిమాగా మిగిలింది. ఎప్పుడు కామెడీతో నెట్టుకొచ్చే అనిల్ రావిపూడి ఈ సారి దొరికేసాడనే టాక్ ఓవర్సీస్ ఆడియెన్స్ నుండి వస్తోంది.