Malai kottai Valiban: మోహన్ లాల్ కు ఊహించని షాక్.. డిజాస్టర్ గా మలైకోట్టై వాలీబన్?

Malaikottai Vaaliban turning out to be a Disaster: మలయాళ స్టార్ మోహన్ లాల్ ప్రధాన పాత్రలో మలైకోట్టై వాలీబన్ అనే సినిమా తెరకెక్కింది. మలయాళంలో పాపులర్ డైరెక్టర్ గా పేరు తెచ్చుకున్న లిజో జోస్ పెల్లిసరి దర్శకత్వంలో ఈ సినిమా తెరకెక్కింది. ఆయన అక్కడ చేసిన అంగమలై డైరీస్, జల్లికట్టు, చురల్లీ వంటి సినిమాలు బ్లాక్ బస్టర్ హిట్లుగా నిలిచాయి. ఏకంగా మోహన్ లాల్ తో ఈ మలైకోట్టై వాలీబన్ అనే సినిమా అనౌన్స్ చేయడంతో సినిమా మీద ఒక్కసారిగా అందరిలో అంచనాలు ఏర్పడ్డాయి. అయితే ఈ సినిమా మాత్రం దారుణమైన డిజాస్టర్ టాక్ తెచ్చుకుంది. రిలీజ్ అయిన మొదటి ఆట నుంచి ఈ సినిమాకు ఏ మాత్రం మలయాళీల నుంచి స్పందన లభించడం లేదు. నిజానికి ఈ సినిమా ప్రకటించిన సమయంలో పాన్ ఇండియా రేంజ్ లో రిలీజ్ చేస్తారని ప్రచారం జరిగింది. అంతేకాదు టీజర్ ను సైతం ఐదు భాషల్లో రిలీజ్ చేశారు. కానీ సినిమా యూనిట్ మాత్రం ఆసక్తికరంగా కేవలం మలయాళం భాషలో మాత్రమే సినిమాను రిలీజ్ చేసింది.

Abhijeet: మా అమ్మ పెళ్లి చేసుకోమని పోరుపెడుతోంది__

కానీ ఈ సినిమా మలయాళ ప్రేక్షకులను సైతం ఏమాత్రం ఆకట్టుకోలేక పోవడం గమనార్హం. ఈ సినిమాకి సెకండ్ పార్ట్ ఉంటుందని చివరిలో లీడ్ ఇచ్చారు. అయితే సినిమా డిజాస్టర్ టాక్ తెచ్చుకోవడంతో పాటు కలెక్షన్స్ విషయంలో కూడా బోల్తా పడుతూ ఉండడంతో సెకండ్ పార్ట్ మీద అనుమానాలు ఏర్పడుతున్నాయి. నిన్న 6వ రోజు 15 శాతం ఆక్యుపెన్సీ కూడా నమోదు కాలేదని మలయాళ ట్రేడ్ వర్గాల వారు అంటున్నారు.. ఈ సినిమా ఫలితం మోహన్ లాల్ కు ఊహించని షాక్ అని చెబుతున్నారు. మలయాళ ఫిల్మ్ ఇండస్ట్రీ హిస్టరీలోనే ఆల్ టైం క్లాసిక్స్ లో ఒకటిగా నిలిచిన జల్లికట్టు సినిమాని డైరెక్ట్ చేసిన లీజో జోస్ పెల్లిసరీని మోహన్ లాల్ పిలిచి మరీ ఈ సినిమా ఇస్తే రిజల్ట్ ఇలా ఉంటుందని ఎవరూ ఊహించి ఉండరని అంటున్నారు.