Ranabaali Postpone : విజయ్ దేవరకొండ ‘రణబాలి’ పోస్ట్‌పోన్ అవుతుందా?

యంగ్ హీరో విజయ్ దేవరకొండ, దర్శకుడు రాహుల్ సాంకృత్యాన్ కాంబినేషన్‌లో వస్తున్న మోస్ట్ అవైటెడ్ పిరియాడిక్ యాక్షన్ డ్రామా ‘రణబాలి’. ‘టాక్సీవాలా’ వంటి సూపర్‌హిట్ చిత్రం తర్వాత వీరిద్దరి కాంబోలో తెరకెక్కుతుండటంతో ఈ సినిమాపై మొదటి నుంచీ భారీ అంచనాలు నెలకొన్నాయి. ఇటీవల విడుదలైన గ్లింప్స్‌కి ప్రేక్షకుల నుండి విశేష స్పందన లభించగా సినిమా ఎప్పుడెప్పుడు థియేటర్లలోకి వస్తుందా అని అభిమానులు ఎంతో ఆసక్తిగా ఎదురుచూస్తున్నారు.

ఈ సినిమాను దసరా కానుకగా అక్టోబర్ 16న రిలీజ్ చేస్తామని ఇదివరకే మేకర్స్ అఫీషయల్ గా ప్రకటించారు. కానీ గత కొద్ది రోజులుగా ఈ సినిమా విడుదల వాయిదా వేశారని డిసెంబర్ 3కు పోస్ట్ పోన్ అవుతుందని సోషల్ మీడియాలో పలు వార్తలు చక్కర్లు కొడుతున్నాయి. షూటింగ్ ఆలస్యం కావడం, పోస్ట్ ప్రొడక్షన్ వర్క్స్ ఇంకా చాలా పెండింగ్ ఉండడం దసరాకు సూపర్ స్టార్ రజని ‘జైలర్ 2’ రిలీజ్ ఉండడం వలన రణబాలి వాయిదా పడే అవకాశం ఉందంటూ కథనాలు వచ్చాయి. దాంతో విజయ్ ఫ్యాన్స్ లో కాస్త డిజప్పోయింట్ అయ్యారు. నెట్టింట పోస్ట్ పోన్ న్యూస్ వైరల్ కావడంతో చిత్ర యూనిట్ సోషల్ మీడియా వేదికగా స్పందిస్తూ ఆ పుకార్లకు స్వస్తి చెప్పింది. ముందుగా ప్రకటించిన విధంగానే ‘రణబాలి’ చిత్రాన్ని అక్టోబర్ 16న గ్రాండ్‌గా విడుదల చేయనున్నట్లు నిర్మాతలు స్పష్టం చేశారు. నెట్ ఇంట ప్రచారంలో ఉన్న వార్తలన్నీ కేవలం రూమర్లు మాత్రమేనని, విడుదల తేదీలో ఎలాంటి మార్పూ లేదని తేల్చిచెప్పారు. దీంతో విజయ్ ఫ్యాన్స్ లో జోష్ నెలకొంది.