2017 నుండి ఏస్ ప్రొడ్యూసర్ అల్లు అరవింద్, మధు మంతెన, నమిత్ మల్హోత్రా రామాయాణ గాథను త్రీడీలో మూడు భాషల్లో, మూడు భాగాలుగా నిర్మించాలని కలలు కంటున్నారు. దాదాపు 600 కోట్ల భారీ బడ్జెట్ తో రూపుదిద్దుకునే ఈ సినిమా దర్శకత్వ బాధ్యతలను నితేశ్ తివారి, రవి ఉద్యావర్ భుజానకెత్తుకున్నారు. ఇప్పటికే ఈ చిత్రంలో రావణాసురుడి పాత్రను హృతిక్ రోషన్, సీతగా దీపికా పదుకునే నటిస్తారనే వార్త బాలీవుడ్ లో చక్కర్లు కొడుతోంది.
Read Also: ‘కలర్స్’ స్వాతి కమ్ బ్యాక్ మూవీ స్టిల్ లీక్!
కానీ విశేషం ఏమంటే… ఈ మేగ్నమ్ ఓపస్ మూవీలో రాముడి పాత్రను ప్రిన్స్ మహేశ్ బాబు చేయబోతున్నాడనీ గత కొంతకాలంగా గుసగుసలు వినిపిస్తున్నాయి. ఈ చిత్ర నిర్మాతల్లో ఒకరైన మధు మంతెనను ఇదే విషయమై అడిగితే ఆయన కర్ర విరగకుండా పాము చావకుండా సమాధానం ఇచ్చారట. మహేశ్ బాబు రాముడిగా నటించబోతున్నాడనే వార్తను ఖండించకుండా… ఖరారు చేయకుండా… ‘ప్రేక్షకులు కోరుకునే భారీ తారాగణం ఈ సినిమాలో ఉండబోతోంది’ అని బదులిచ్చాడట. అయితే… ఈ యేడాది దీపావళికి ప్రతిష్ఠాత్మకమైన రామాయణ్ ప్రాజెక్ట్ లో రాముడిగా మహేశ్ బాబు పేరును అధికారికంగా ప్రకటిస్తారనేది తెర వెనుక వినిపిస్తున్న మాట. అదే నిజమైతే… మాత్రం టాలీవుడ్ స్టార్ హీరోలు ఇద్దరూ పాన్ ఇండియా మూవీలో…. అదీ మైథాలజీ మూవీలో రాముడి పాత్ర చేయడం అనేది గొప్ప చారిత్రక ఘటనే అవుతుంది. దీనికోసం ఆస్కార్ విన్నింగ్ సాంకేతిక నిపుణులు పనిచేయబోతున్నారట.
