Mahendran : మణిశర్మ చేతుల మీదుగా ‘వసుదేవ సుతం’ గ్లింప్స్ రిలీజ్..

ప్రస్తుతం పాథలాజికల్ టచ్ ఇస్తున్న చిత్రాలకు ఎక్కువ డిమాండ్ ఉందన్న సంగతి తెలిసిందే. ఇందులో భాగంగా ‘వసుదేవ సుతం’ అను మూవీతో రాబోతున్నాడు మాస్టర్ మహేంద్రన్. గుడి చుట్టూ తిరిగే ఓ కథతో రాబోతున్న ఈ మూవీని బేబీ చైత్ర శ్రీ, మాస్టర్ యువాంశ్ కృష్ణ బాదర్ల సమర్పణలో, రెయిన్‌బో సినిమాస్ బ్యానర్‌పై ధనలక్ష్మి బాదర్లపై నిర్మిస్తుండగా. ఈ మూవీకి వైకుంఠ్ బోను దర్శకత్వం వహించారు. అంతే కాదు మెలోడీ బ్రహ్మ మణిశర్మ సంగీతాన్ని అందిస్తున్నారు.

Also Read: Sai Rajesh: ‘బేబి’మూవీ హిందీ రీమేక్‌పై.. ఇంట్రస్టింగ్ అప్‌డేట్ !

ఇక తాజాగా ఈ సినిమాకు సంబంధించిన గ్లింప్స్‌ను మణిశర్మ చేతుల మీదుగా రిలీజ్ చేశారు. విశ్వాన్ని చూపించడం.. అందులోంచి భూమి.. భూమి మీదున్న ఓ గుడి.. ఆ గుడిలో ఉన్న పాము.. ఆ తర్వాత హీరో ఎంట్రీ ఇలా అన్నీ అదిరిపోయాయి. గుడిలో నిధి చుట్టూ ఈ కథ తిరిగేలా కనిపిస్తుంది. గ్లింప్స్‌తోనే సినిమా మీద అంచనాల్ని పెంచేశారు. ఈ గ్లింప్స్‌ని మణిశర్మ రిలీజ్ చేస్తూ చిత్రయూనిట్‌కు ఆల్ ది బెస్ట్ తెలిపారు. ఈ మూవీని తెలుగు, తమిళ, హిందీ, ఒరియా భాషల్లో రిలీజ్ చేయబోతున్నారు. మొత్తానికి చాలా రోజులకు మణిశర్మ మ్యూజిక్ వినే భాగ్యం కలుగుతుంది.