Maa Inti Bangaram: 73 కోట్ల వసూళ్లతో అన్-స్టాపబుల్ ‘బంగారం’!

సమంత రూత్ ప్రభు లీడ్ రోల్‌లో నటించిన లేటెస్ట్ కమర్షియల్ బ్లాక్‌బస్టర్ ‘మా ఇంటి బంగారం’ బాక్సాఫీస్ వద్ద సరికొత్త చరిత్ర సృష్టిస్తోంది. నందినీ రెడ్డి మార్క్ క్లాస్ ఎమోషన్స్, సమంత ఊరమాస్ యాక్షన్ ఎలిమెంట్స్ తో థియేటర్లలోకి వచ్చిన ఈ సినిమా బాక్సాఫీస్ వద్ద అల్టిమేట్ ‘గోల్డెన్ రన్’ కొనసాగిస్తూ వసూళ్ల సునామీ సృష్టిస్తోంది. ఇక ఈ సినిమా సాధిస్తోన్న కలెక్షన్ల స్పీడ్ చూసి ఇండస్ట్రీ వర్గాలు సైతం ముక్కున వేలేసుకుంటున్నాయి. తాజాగా ఈ సినిమా అఫీషియల్ కలెక్షన్లపై మేకర్స్ ఒక అఫీషియల్ పోస్టర్‌ను రిలీజ్ చేశారు.

అధికారికంగా రిలీజ్ చేసిన అప్డేట్ ప్రకారం సమంత వన్-వుమెన్ షోగా థియేటర్లలో రచ్చ చేస్తోన్న ఈ సినిమా వరల్డ్‌వైడ్‌గా ఏకంగా 73 కోట్ల రూపాయల గ్రాస్ వసూళ్లను రాబట్టి బాక్సాఫీస్ వద్ద సరికొత్త మైలురాయిని అధిగమించింది. కేవలం టాలీవుడ్ లోనే కాకుండా ఓవర్సీస్, కోలీవుడ్ మార్కెట్లలోనూ ఈ చిత్రం అద్భుతమైన హోల్డ్‌ను ప్రదర్శిస్తోంది. రికార్డు స్థాయి కలెక్షన్లతో దూసుకుపోతోన్న ఈ ‘బంగారం’.. అతి త్వరలోనే 100 కోట్ల క్లబ్‌లోకి అడుగుపెట్టడం ఖాయంగా కనిపిస్తోంది. సినిమా రిలీజ్ అయి రోజులు గడుస్తున్నా.. ఆడియన్స్ క్రేజ్ ఏమాత్రం తగ్గలేదు. సరైన సినిమాలు ఏవీ ఈ వారం కూడా రిలీజ్ కాక పోవడంతో ఈ వీకెండ్ కింగ్స్ కూడా ఊహించని స్థాయిలో నడుస్తున్నాయి. ఉదయం షోల నుంచే థియేటర్ల వద్ద హౌస్‌ఫుల్ బోర్డులు దర్శనమిస్తుండటంతో డిస్ట్రిబ్యూటర్లు ఫుల్ ఖుషీగా ఉన్నారు.