నటి లావణ్య త్రిపాఠి, మెగాస్టార్ చిరంజీవి గురించి పంచుకున్న ఒక చిన్ననాటి జ్ఞాపకం ఇప్పుడు నెట్టింట హాట్ టాపిక్గా మారింది. రీసెంట్గా ఒక ఇంటర్వ్యూలో పాల్గొన్న ఆమె, చిరంజీవితో తనకున్న అనుబంధం గురించి మాట్లాడుతూ.. “నేను చిన్నప్పుడు మావయ్య చిరంజీవి గారి సాంగ్ చూసి.. ఎవరు ఈ పర్సన్? ఎంత గ్రేస్ఫుల్గా డ్యాన్స్ చేస్తున్నారు అని ఆశ్చర్యపోయేదాన్ని. కానీ, భవిష్యత్తులో నేను ఆయన కుటుంబంలో ఒకరిని అవుతానని అప్పుడు అస్సలు అనుకోలేదు” అని చెప్పుకొచ్చారు.
మెగా ప్రిన్స్ వరుణ్ తేజ్ను వివాహం చేసుకున్న తర్వాత లావణ్య కొణిదెల ఇంటి కోడలిగా మారిపోయారు. చిరంజీవిని మావయ్య అని పిలుస్తూ, మెగా ఫ్యామిలీలో ప్రతి వేడుకలోనూ ఆమె సందడి చేస్తున్నారు. నటిగా తనకంటూ ప్రత్యేక గుర్తింపు తెచ్చుకున్న లావణ్య, ఇప్పుడు మెగా కుటుంబ గౌరవాన్ని కాపాడుతూనే తన కెరీర్ను కొనసాగిస్తున్నారు. చిరంజీవి గారి డ్యాన్స్, గ్రేస్ పట్ల తనకు మొదటి నుంచీ ఉన్న గౌరవం, ఇప్పుడు ఆయన కుటుంబ సభ్యురాలిగా మారడంతో మరింత పెరిగిందని ఆమె భావం. ఈ ట్వీట్ చూసిన మెగా అభిమానులు ‘మెగాస్టార్ గ్రేస్ అలాంటిది మరి’ అంటూ కామెంట్లతో సోషల్ మీడియాను హోరెత్తిస్తున్నారు.