Krishnamma : “కృష్ణమ్మ” ప్రీ రిలీజ్ ఈవెంట్ డేట్ ఫిక్స్.. అతిధులుగా రానున్న తెలుగు స్టార్ డైరెక్టర్స్..?

టాలీవుడ్ యంగ్ హీరో సత్యదేవ్ గురించి ప్రత్యేకంగా చెప్పాల్సిన పని లేదు .తన అద్భుతమైన నటనతో వరుస సినిమాలలో నటించి ప్రేక్షకులను ఎంతగానో మెప్పించాడు .ప్రస్తుతం ఈ యంగ్ హీరో నటించిన లేటెస్ట్ యాక్షన్ మూవీ ‘కృష్ణమ్మ’.దాదాపు రెండు సంవత్సరాల తరువాత సత్యదేవ్ బిగ్గెస్ట్ యాక్షన్ మూవీ తో ప్రేక్షకుల ముందుకు వస్తున్నాడు.ప్రస్తుతం ఈ మూవీ విడుదలకు సిద్ధం అవుతుంది. వీవీ గోపాలకృష్ణ దర్శకత్వం వహించిన ఈ సినిమాను  కృష్ణ కొమ్మాలపాటి నిర్మించారు. స్టార్ డైరెక్టర్ కొరటాల శివ సమర్పిస్తున్న ఈ మూవీకి కాలభైరవ సంగీతం అందించారు.ఈ మూవీలో అర్చనా అయ్యర్, అతిరా రాజ్, కృష్ణ బూర్గుల మరియు లక్ష్మణ్ మీసాల ముఖ్య పాత్రలు పోషించారు.రీసెంట్ గా రిలీజ్ చేసిన ఈ మూవీ టీజర్ ప్రేక్షకులను ఎంతగానో మెప్పించింది. కృష్ణమ్మ సినిమాపై ప్రేక్షకులలో భారీగా అంచనాలు వున్నాయి. ఈ సినిమా మే 10వ తేదిన విడుదల కానుంది.

ఈక్రమంలో మే 1న ప్రీ-రిలీజ్ ఈవెంట్ నిర్వహించేందుకు చిత్ర యూనిట్ సిద్ధమైంది. ఈ ఈవెంట్‍ హైదరాబాద్‍లోని హైటెక్ సిటీ ట్రైడెంట్ హౌటల్‍లో మే 1 సాయంత్రం 6 గంటల నుంచి జరగనుంది. ఈ విషయాన్ని మూవీ టీమ్ అధికారికంగా వెల్లడించింది.ఇదిలా ఉంటే కృష్ణమ్మ సినిమా ప్రీ-రిలీజ్ ఈవెంట్ కు ఏకంగా ఐదుగురు తెలుగు స్టార్ డైరెక్టర్లు ముఖ్య అతిథిలుగా రానున్నారు..దర్శకధీరుడు ఎస్ఎస్ రాజమౌళి ,సుకుమార్, కొరటాల శివ, అనిల్ రావిపూడి మరియు గోపిచంద్ మలినేని కూడా చీఫ్ గెస్టులుగా రానున్నారు. ఒకే వేదికపైకి ఈ ఐదుగురు స్టార్ డైరెక్టర్లు రానున్నారు. దీంతో ప్రేక్షకులలో ఈ ప్రీ-రిలీజ్ ఈవెంట్‍పై చాలా ఆసక్తి నెలకొని ఉంది.తెలుగు సినిమాలో ఇది గ్రాండెస్ట్ ప్రీ-రిలీజ్ ఈవెంట్ అని కృష్ణమ్మ మేకర్స్ తాజాగా ట్వీట్ చేశారు.