టాలీవుడ్ యంగ్ హీరో విజయ్ దేవరకొండ ప్రస్తుతం తన రాబోయే చిత్రాలపై ఫుల్ ఫోకస్ పెట్టారు. చివరిగా ‘ఖుషి’, ‘ఫ్యామిలీ స్టార్’ చిత్రాలతో అలరించిన రౌడీ స్టార్ నెక్స్ట్ మోస్ట్ అవైటెడ్ ఫిల్మ్ ‘కింగ్డమ్’ తో ప్రేక్షకుల ముందుకు రాబోతున్నారు. గౌతమ్ తిన్ననూరి దర్శకత్వంలో తెరకెక్కుతున్న ఈ సినిమాపై బోలెడన్ని ఆశలు పెట్టుకున్నారు విజయ్. ఇక మే30న విడుదల కానున్న ఈ సినిమా నుంచి ఇప్పటి వరకు విడుదలైన టీజర్, సాంగ్స్‌తో మంచి రెస్పాన్స్ ను సొంతం చేసుకోగా మూవీ రిజల్ట్ ఎలా ఉండబోతున్నాయనేది మరింత ఆసక్తికరంగా మారింది. అలాగే ప్రమోషనల్ మెటీరియల్‌తో కూడా సినిమాపై మంచి హైప్ పెంచుతున్నారు. అయితే తాజాగా స్టార్ మ్యూజిక్ డైరెక్టర్ అనిరుద్ ఈ మూవీ పై ఫస్ట్ రివ్వూ ఇచ్చారు..
గతంలో దర్శకుడు గౌతమ్ తిన్ననూరి, నాని కాంబినేషన్‌లో వచ్చిన ‘జెర్సీ’ ఎంతటి బ్లాక్ బస్టర్ హిట్ అందుకుందో మనకు తెలిసిందే. ఈ చిత్రానికి టాప్ మ్యూజిక్ డైరెక్టర్ అనిరుధ్ రవిచంద్రనే సంగీతం అందించారు. ఇక ఇప్పుడు విజయ్ దేవరకొండ – గౌతమ్ తిన్ననూరి కాంబోలో వస్తున్న ‘కింగ్డమ్’ చిత్రానికి కూడా ఆయనే సంగీతం అందిస్తున్నారు. కాగా తాజా సమాచారం ప్రకారం అనిరుధ్‘ ‘కింగ్డమ్’ మూవీ చిత్రంలోని చివరి 40 నిమిషాలు అద్భుతంగా ఉంటుంది’ అని యాక్షన్ సీన్స్, విజయ్ దేవరకొండ పర్ఫామెన్స్ అదిరిపోయింది అని తన ఫస్ట్ రివ్వూ ఇచ్చారు. దీంతో సినిమాపై ఇంకా అంచనాలు పెరిగిపోయాయి. ప్రజంట్ అనిరుధ్ మాటలు వైరల్ అవుతున్నాయి.
