Ketika Sharma : హిట్ వచ్చింది కానీ ఆఫర్స్ మాత్రం రావడం లేదు

కెరీర్ స్టార్ట్ చేసిన నాలుగేళ్ల వరకు సక్సెస్ ఎలా ఉంటుందో తెలియదు కేతిక శర్మకు. ఆకాష్ పూరి రొమాంటిక్‌ మూవీతో ఇంట్రడ్యూసైన ఈ బాత్రూమ్ సింగర్.. రాబిన్ హుడ్ వరకు ఫ్లాప్స్ చూస్తూనే ఉంది. అది ఇచ్చే కిక్ ఏ రేంజ్‌లో ఉంటుందని తెలియదు భామకు. మెగా అన్నాదమ్ములు సాయి తేజ్, వైష్ణవ్ తేజ్ ఆమె ఫేట్ మార్చలేకపోయారు. ఇద్దరు ఒకరిని మించిన ప్లాప్ ని మరొకరు ఇచ్చారు. దాంతో గ్యాప్ తీసుకుంది కేతిక.

గ్యాప్ తర్వాత శ్రీవిష్ణు లక్కీ మ్యాన్ అయ్యాడు. గత ఏడాది సమ్మర్‌లో రిలీజైన సింగిల్ తో కేతికకు తొలి హిట్ ఇచ్చాడు శ్రీ విష్ణు. ఫ్లాప్స్ ఉన్నప్పుడే ఆఫర్స్ ఉన్నాయి.. హిట్ కొట్టినప్పుడు రావా అనుకుంది. కట్ చేస్తే మేకర్స్ అసలు ఆమెను పట్టించుకోవట్లేదు. నితిన్ సినిమాలో చేసిన అదిదా సర్ ప్రైజ్ ఐటమ్ సాంగ్ కూడా కేతికకు ఛాన్స్‌లు తెచ్చిపెట్టడం లేదు. ఇంతలో కోలీవుడ్ నుండి ఆఫర్స్ మొదలు కావడంతో అటు జంప్ చేసింది గ్లామర్ బ్యూటీ.  సింగిల్ కన్నా ముందు కేతిక రాజేష్ ఎం సెల్వ దర్శకత్వంలో బైలింగ్వల్ ఫిల్మ్‌కు కమిటైంది. అదితి రావ్ హైదరీ, కేతిక లీడ్ రోల్స్‌లో 2023లోనే ప్రారంభమైన ఈ ప్రాజెక్ట్ ఉందో లేదో క్లారిటీ లేదు. మీసాయ మురుక్కు2లో కోలీవుడ్ ఎంట్రీకి సిద్దమౌతోంది. హిప్ హప్ తమిళ ఆది హీరోగా తెరకెక్కిన ఈ మూవీ సెప్టెంబర్ 25న రిలీజ్ కాబోతోంది. గ్లామర్ ట్రీట్‌తో తొలి సినిమాతోనే కేతిక తమిళ తంబీలను ఫ్లాట్ చేసేస్తుందా..?