Kalki 2898 AD Director Nag Ashwin Slipper Photos goes Viral: ఎవడే సుబ్రహ్మణ్యం అనే సినిమాతో దర్శకుడిగా మారాడు నాగ్ అశ్విన్. లైఫ్ ఈజ్ బ్యూటిఫుల్ లాంటి ఎన్నో సినిమాలకు శేఖర్ కమ్ముల దగ్గర అసిస్టెంట్ డైరెక్టర్గా పనిచేసిన ఆయన మొదటి సినిమాతోనే మంచి పేరు తెచ్చుకున్నాడు. ఆ సినిమా చేస్తూ ఉన్న సమయంలోనే ఆ సినిమా నిర్మాతలుగా వ్యవహరించిన ప్రియాంక, స్వప్నలలో ప్రియాంకతో ప్రేమలో పడి పెద్దలను ఒప్పించి పెళ్లి చేసుకున్నాడు. ఇక ఆ తర్వాత వైజయంతి మూవీస్ బ్యానర్ మీద మహానటి అనే సినిమా చేసి బ్లాక్ బస్టర్ హిట్ అందుకుని ఒక్కసారిగా తెలుగు సినీ పరిశ్రమ అంతా తనవైపు తిరిగి చూసేలా చేసుకున్నాడు. ఇక ఆ తర్వాత సినిమా ఏం చేస్తాడు అని అందరూ ఆసక్తికరంగా ఎదురుచూస్తున్న సమయంలో ప్రాజెక్టు కే అనే ప్రకటన చేసి మరోసారి అందరి దృష్టిని ఆకర్షించాడు.
Kalki 2898 AD : ప్రభాస్ ఫ్యాన్ గా మారిన అకిరా నందన్.. ఫస్ట్ డే ఫస్ట్ షో చూసిమరీ!
ఎందుకంటే అందులో ప్రభాస్ హీరో అని మాత్రమే కాదు కమల్ హాసన్, అమితాబచ్చన్, దీపికా పదుకొనే వంటి వాళ్ళు నటిస్తూ ఉండడమే. ఇక సుమారు ఆరేళ్ల కష్టం ఈరోజు ప్రేక్షకుల ముందుకు వచ్చింది. ఇక ఈ విషయాన్ని తెలియజేస్తూ తెగిపోయిన తన చెప్పులను ఫోటో తీసి సోషల్ మీడియాలో షేర్ చేశాడు. ఇట్స్ బీన్ ఏ లాంగ్ రోడ్ అంటూ దానికి క్యాప్షన్ కూడా పెట్టాడు. అంటే పనిలో ఎంత నిమగ్నం అయిపోయాడు అంటే చెప్పులు చిరిగిపోయాయి వాటిని మార్చాలి అని కూడా ఆలోచించలేనంతగా అంటూ సోషల్ మీడియాలో కామెంట్స్ వినిపిస్తున్నాయి. 600 కోట్ల బడ్జెట్ సినిమా చేసిన డైరెక్టర్ చెప్పులు ఇలా ఉన్నాయేంటి అనే చర్చ అయితే పెద్ద ఎత్తున జరుగుతుంది.