Kaala Rathri: ఆహాలో కాళరాత్రి.. ఎప్పటి నుంచి అంటే?

‘Kaala Raatri’ to stream on Aha from August 17th:’ఆహా’ఓటీటీలో పలు ఇతర భాషల సినిమాలను డబ్బింగ్ చేయించి రిలీజ్ చేస్తున్న సంగతి తెలిసిందే. ఈ క్రమంలో ఎక్కువ తమిళ, మలయాళ సినిమాలను డబ్ చేస్తున్నారు. బాబు రాజ్, చేంబన్ వినోద్, బిను పప్పు, గణపతి, తదితరులు ప్రధాన పాత్రల్లో నటించిన సినిమా “కాళరాత్రి”. ఈ చిత్రాన్ని హనుమాన్ మీడియా బ్యానర్ పై బాలు చరణ్ నిర్మించగా మర్ఫీ దేవసి దర్శకత్వం వహించారు. సస్పెన్స్ థ్రిల్లర్ కథతో రూపొందిన కాళరాత్రి సినిమా ఈ నెల 17వ తేదీ నుంచి ఆహా ఓటీటీలో స్ట్రీమింగ్ కు రాబోతోంది.

Stock market: భారీ లాభాల్లో ముగిసిన స్టాక్ మార్కెట్

ఇక “కాళరాత్రి” సినిమా ట్రైలర్ ఎలా ఉందో చూస్తే – 266 ఎకరాలను అతి తక్కువ ధరకు కొనేందుకు వెళ్లిన స్నేహితుల బృందం ఆ తోటలో ఉన్న గెస్ట్ హౌస్ చూసి సర్ ప్రైజ్ అవుతారు. ఎంతో అందంగా ఉన్న ఆ గెస్ట్ హౌస్ లో పార్టీ చేసుకోవడానికి సిద్ధమైతే ఆ భవనంలో అనూహ్య ఘటనలు జరుగుతుంటాయి. వారిలో కొందరు చనిపోతారు కూడా అయితే ఆ హత్యలకు కారణం ఎవరన్నది అంతు చిక్కదు. ఇలాంటి ఆసక్తికర మలుపులతో ట్రైలర్ ఆకట్టుకుంది. వీళ్లు ఎందుకు చనిపోతున్నారు? ఎలా చనిపోతున్నారు తెలియాలంటే మూవీ చూడాల్సిందే అంటున్నారు మేకర్లు. సస్పెన్స్ థ్రిల్లర్ సినిమాలను ఇష్టపడే ప్రేక్షకులకు కాళరాత్రి సినిమా బాగా నచ్చుతుందని అంటున్నారు.