NTR Neel: యంగ్ టైగర్ ఎన్టీఆర్ – సెన్సేషనల్ డైరెక్టర్ ప్రశాంత్ నీల్ కాంబినేషన్లో ఒక క్రేజీ ప్రాజెక్ట్ తెరకెక్కుతున్న విషయం తెలిసిందే. ఈ అత్యంత భారీ చిత్రంపై అనౌన్స్మెంట్ వచ్చినప్పటి నుంచి అభిమానుల్లో, ట్రేడ్ వర్గాల్లో అంచనాలు భారీ స్థాయిలో నెలకొన్నాయి. ‘కేజీఎఫ్’, ‘సలార్’ వంటి చిత్రాలతో మాస్ పల్స్ పట్టుకున్న నీల్, ఈ సినిమాలో ఎన్టీఆర్ను ఏ రేంజ్లో చూపిస్తారు అనే ఆసక్తి తారక్ ఫ్యాన్స్తో పాటు సగటు సినిమా అభిమానుల్లో కనిపిస్తోంది. తాజాగా ఈ సినిమాకు సంబంధించిన ఒక సాలిడ్ అప్డేట్ సోషల్ మీడియాలో వైరల్ అవుతోంది.
తాజాగా #NTRNeel నుంచి క్రేజీ అప్డేట్ వచ్చింది. సోషల్ మీడియాలో ఈ చిత్రానికి సంబంధించిన కొత్త పోస్టర్ రిలీజ్ చేశారు మేకర్స్. ఈ పోస్టర్ ఇప్పుడు ఫిల్మ్ నగర్ వర్గాల్లో హాట్ టాపిక్గా మారింది. తాజాగా రిలీజ్ చేసిన ఈ పోస్టర్లో ఎన్టీఆర్ – ప్రశాంత్ నీల్ సముద్ర తీరాన నిలబడి ఉన్న పవర్ఫుల్ ఇమేజ్ను షేర్ చేశారు. అయితే ఇందులో అందరినీ ఆకర్షించింది మాత్రం సినిమా ట్యాగ్లైన్. గతంలో “You know the business and I know the chemistry” అని ఉన్న వాక్యాన్ని మార్చి, ఇప్పుడు “You know the vision.. and I know the storm” (నీకు విజన్ తెలుసు.. నాకు తుఫాను తెలుసు) అనే కొత్త ఫ్రేజ్ను జోడించారు. ఈ మార్పు సినిమాలోని ఇంటెన్సిటీని తెలియజేస్తోంది. ఎన్టీఆర్ అభిమానులు ఎప్పుడెప్పుడా అని ఎదురుచూస్తున్న మే 20 (తారక్ పుట్టినరోజు) నాడు ఈ చిత్రానికి సంబంధించిన భారీ అప్డేట్స్ రానున్నాయి. ఆ రోజున సినిమా టైటిల్తో పాటు ఫస్ట్ గ్లింప్స్ను కూడా విడుదల చేయనున్నట్లు సమాచారం. మైత్రీ మూవీ మేకర్స్ – ఎన్టీఆర్ ఆర్ట్స్ సంయుక్తంగా నిర్మిస్తున్న ఈ చిత్రం జూన్ 11, 2027న ప్రపంచవ్యాప్తంగా థియేటర్లలో గ్రాండ్గా రిలీజ్ కానుంది. ప్రశాంత్ నీల్ మార్క్ యాక్షన్ ఎంటర్టైనర్గా రూపొందుతున్న ఈ సినిమాలో కన్నడ బ్యూటీ రుక్మిణి వాసంత్ హీరోయిన్గా నటిస్తుండగా, ‘కేజీఎఫ్’ ఫేమ్ రవి బస్రూర్ సంగీతాన్ని అందిస్తున్నారు.
Y̶o̶u̶ ̶k̶n̶o̶w̶ ̶t̶h̶e̶ ̶b̶u̶s̶i̶n̶e̶s̶s̶
a̶n̶d̶ ̶I̶ ̶k̶n̶o̶w̶ ̶t̶h̶e̶ ̶c̶h̶e̶m̶i̶s̶t̶r̶y̶.̶.These two are known to rewrite everything… And so did this phrase 🤫🔥
Wait for May 20th…. #NTRNeel pic.twitter.com/Vuf3XBecsn
— #NTRNeel (@NTRNeelFilm) May 14, 2026