Release clash : ఏమప్పా కన్నప్ప..ఏంటి పుష్పా ఇది..!

సినిమాల రిలీజ్ విషయంలో టాలీవుడ్ లో ఎప్పుడు గందరగోళం నడుస్తూనే ఉంటూనే ఉంటుంది. ఒక్కోసారి అది పంచాయతీ పెట్టి సమస్యను పరిష్కరించే వరకు వెళ్తుంది. మేము ముందు డేట్ వదిలాం అంటే లేదు మేము వదిలాము అని వాదనలు, ప్రతివాదనలు కామన్. తాజాగా ఇండస్ట్రీలో మరోసారి రెండు సినిమాల మధ్య క్లాష్ ఏర్పడే పరిస్థితి వచ్చేలా ఉంది.

స్టైలిష్ స్టార్ అల్లు అర్జున్, స్టార్ డైరెక్టర్ సుకుమార్ ల పుష్ప ఎంతటి సంచలనాలు సృష్టించిందో విదితమే. ఆ చిత్రానికి కొనసాగింపుగా రాబోతున్న చిత్రమే పుష్ప -2. దాదాపు రెండు సంవత్సరాలుగా షూటింగ్ చేస్తూనే ఉన్నారు. ఆగస్టు నుండి పోస్ట్ పోన్ అయి డిసెంబరు 6న  విడుదల చేస్తామని ప్రకటన కూడా చేసారు. కానీ ఇప్పటికి ఇంకా నెల రోజులకు పైగా షూటింగ్ బ్యాలెన్స్ ఉంది. కొత్త షెడ్యూల్ జులై 2 మొదలు పెట్టాల్సి ఉండగా క్యాన్సిల్ అయింది. దీంతో పుష్ప -2 విషయంలో అనేక రూమర్స్  వినిపించాయి. వాటిని నిజం చేస్తూ షూట్ ఆపేసి హీరో, దర్శకులు చెరో విమానం  ఎక్కేసారు. బన్నీ గడ్డం కూడా తీసేసిన వీడియోలు కూడా నెట్టింట వైరల్ అయ్యాయి.

ఇదిలా ఉండగా పుష్ప-2 డిసెంబర్ 6న  రాదని ఆ డేట్ కి వచ్చేలా మంచు విష్ణు నటిస్తున్న కన్నప్ప టీమ్ ఏర్పాట్లు చేసుకున్నారు. పుష్ప రాదనే నమ్మకంతో మేము డిసెంబరు 6కు వచ్చేసాం అంటోంది కన్నప్ప యూనిట్. కానీ  ప్రస్తుతం ఎడిటింగ్ వర్క్ జరుగుతుందని త్వరలోనే షూటింగ్ స్టార్ట్ చేస్తామని ఎట్టి పరిస్థితుల్లో పుష్ప 2 డిసెంబర్ 6న విడుదల చేయడం పక్కా అని యూనిట్ సభ్యులు తెలిపారు. దీంతో తాము వెనక్కి తగ్గేది లేదని డిసెంబరు 6న రిలీజ్ చేస్తామని  తన వ్యక్తిగత ‘X’ ఖాతాలో పోస్ట్ పెట్టారు కన్నప్ప నిర్మాత కమ్ హీరో విష్ణు మంచు.

 

Also Read: Darling : నిరంజన్ రెడ్డికి జాక్ పాట్..రిలీజ్ కు ముందే భారీ లాభాలు