Bollywood dreams: ఇక్కడ హిట్లు వస్తున్నా.. అక్కడ ఆఫర్ల కోసం ఆరాటం..

‘సీతారామం’ చిత్రంతో తెలుగు తెరకు పరిచయం అయింది మృణాల్ ఠాకూర్. ఆ సినిమాలో దుల్కర్ సల్మాన్ సరసన సీత పాత్రలో నటించి తెలుగులో మంచి గుర్తింపు తెచ్చుకుంది మృణాల్. ఆ చిత్ర విజయంతో తెలుగులో వరుసగా హాయ్ నాన్న, ది ఫ్యామిలీ స్టార్ వంటి చిత్రాలలో నటించి తెలుగు ప్రేక్షకులకు మరింత దగ్గరయింది. నాగ్ అశ్విన్ దర్శకత్వంలో ఇటీవల వచ్చిన కల్కి సినిమాలో అతిథి పాత్రలో కనిపించింది.. ఇది ఇలా ఉంటే ఈ భామ హిందీ చిత్రాలలో నటించాలని ఉవ్విళ్లూరుతుంది. అలా అజయ్ దేవగన్ ప్రధాన పాత్రలో తెరకెక్కుతున్న ‘సన్‌‌‌‌ ఆఫ్‌‌‌‌ సర్దార్‌‌‌‌‌‌‌‌ 2’ సినిమాలో అవకాశం దక్కించుకుంది.

అజయ్ దేవగన్‌‌‌‌, సంజయ్ దత్‌‌‌‌ ప్రధాన పాత్రలోలో వచ్చిన ‘సన్ ఆఫ్ సర్దార్‌‌‌‌‌‌‌‌ ‘ సూపర్ హిట్ సాధించిన విషయం తెలిసిందే. దాదాపు 12 ఏళ్ల తరువాత ఆ చిత్రానికి సిక్వెల్ ను తెరకెక్కిస్తున్నారు. టాలీవుడ్ దర్శక ధీరుడు రాజమౌళి దర్శకత్వంలో రూపొందిన ‘మర్యాద రామన్న’ను సన్ ఆఫ్ సర్దార్‌‌‌‌‌‌‌‌ గా రీమేక్ చేశారు బాలీవుడ్ నటుడు అజయ్ దేవగన్. ఈ చిత్రంతో పాటు మరో బాలీవుడ్ చిత్రంలోను నటిస్తుంది మృణాల్ ఠాకూర్. స్టార్ హీరో వరుణ్‌‌‌‌ ధావన్‌‌‌‌ హీరోగా డేవిడ్ ధావన్‌‌‌‌ దర్శకత్వంలో ఓ లవ్‌‌‌‌ స్టోరీ తెరకెక్కునుండగా ఆ చిత్రంలో వరుణ్ కు జోడిగా నటిస్తోంది ఈ భామ. ఈ చిత్రానికి సంబంధించిన మొదటి షెడ్యూల్ ఇటీవలే పూర్తి చేసుకుంది. తెలుగులో సూపర్ హిట్లు వచ్చినా కూడా బాలీవుడ్ మోజులో ముంబైలో మెరవాలని, హిందీ హీరోల సరసన నటించేందుకు తహతహలాడుతోంది మృణాల్ ఠాకూర్. బాలీవుడ్ లో అమ్మడి ఫ్యూచర్ ఎలా ఉంటుందో ఈ రెండు చిత్రాలు విడుదలైయితే కానీ తెలియదు.

Also Read: Kodi Ramakrishna: ఘ‌నంగా శ‌తాధిక ద‌ర్శ‌కుడు కోడి రామ‌కృష్ణ 75వ జ‌యంతి వేడుక‌లు