“కన్నులు చెదిరే” మెలోడీ సాంగ్ వచ్చేసింది…!

ఆది తరుణ్, శివాని రాజశేఖర్ హీరోహీరోయిన్లుగా నటిస్తున్న కామెడీ రొమాంటిక్ ఎంటర్టైనర్ “డబ్ల్యూడబ్ల్యూడబ్ల్యూ”. హూ వేర్ వై అనేది దాని అర్థం. తాజాగా ఈ చిత్రం నుంచి “కన్నులు చెదిరే” మెలోడీ సాంగ్ విడుదలైంది. యంగ్ హీరో అడవి శేష్ ఈ సాంగ్ ను విడుదల చేశారు. ఈ రొమాంటిక్ మెలోడీ సాంగ్ ను యాజిన్ నిజార్ ఆలపించగా… అనంతశ్రీరామ్ లిరిక్స్ అందించారు.సైమన్ కె కింగ్ ఈ చిత్రానికి సంగీతం అందించారు. కె.వి.గుహన్ దర్శకత్వంలో రూపొందుతున్న ఈ యూత్ ఫుల్ ఎంటర్ టైనర్ లో ప్రియదర్శి, వివా హర్ష, దివ్య, రియాజ్ ఖాన్, సత్యం రాజేష్ కీలకమైన పాత్రలో నటిస్తున్నారు. ఈ సినిమాను డాక్టర్ రవి ప్రసాద్ రాజు దాట్ల నిర్మిస్తున్నారు. రామంత్ర క్రియేషన్స్ బ్యానర్ పై తెరకెక్కుతోంది. ఈ చిత్రం నుంచి ఇటీవలే “లాక్ డౌన్” అనే ట్యాప్ సాంగ్ ని విడుదల చేశారు. తెలుగులో విడుదలైన ఈ వీడియో సాంగ్ కు ప్రేక్షకుల నుంచి మంచి స్పందన వస్తోంది. ప్రస్తుతం విడుదలైన “కన్నులు చెదిరే” మెలోడీ సాంగ్ పై మీరూ ఓ లుక్కేయండి.