Chiranjeevi : శ్రీకాంత్ ఓదెలకు చిరంజీవి కండీషన్ !

తెలుగు సినిమా ఇండస్ట్రీ ఒక పుస్తకం అయితే.. అందులో మెగాస్టార్‌ చిరంజీవిది ఒక పేజీ. ఇప్పటి తరానికి ఆయన అంటే వాల్తేరు వీరయ్య, గాడ్ ఫాదర్, భోళా శంకర్.. ఇలా ట్రోల్ చేస్తున్నారు కానీ. అసలు ఒకప్పుడు చిరంజీవికి ఉన్న కెపాసిటీ ఇండియాలో ఏ హీరోకి లేదు. చిరంజీవి సినిమా వస్తుందంటే కనీసం వారం, 10 రోజులు ముందు నుంచి థియేటర్‌ల దగ్గర హడావిడి జరిగేది. అంతెందుకు చిరంజీవి ఈవెంట్‌కు వస్తున్నాడంటే జనాలు వేలల్లో కాదు.. లక్షల్లో కదిలి వచ్చేవారు. తెలుగు సినిమా స్థాయిని పెంచిన హీరో చిరంజీవి. ఆయనతో సినిమా చేసే ఛాన్స్ వస్తే జీవితంలో అంతకంటే అదృష్టం ఇంకోటి ఉండదు అనుకోని దర్శకుడు, నిర్మాత ఉండరు. డిస్టిబ్యూటర్‌లు సైతం చిరంజీవి సినిమాల కోసం కళ్లు కాయలు కాచేలా ఎదురు చూసేవాళ్లు. అంటే దీని బట్ట అర్థం చేసుకోవచ్చు మెగాస్టార్ రేంజ్ ఎలాంటిదో.

Also Read: Allu Arjun : అల్లు అర్జున్ అట్లీ మూవీలో మృణాల్..!

ఇక ‘ఖైదీ నెంబర్ 150’ సినిమా తో రీ ఎంట్రీ ఇచ్చిన చిరంజీవి.. ఆ సినిమాతో రూ.150 కోట్ల క్లబ్‌లో చేరి రికార్డులు తిరగరాశాడు. కానీ ఆ తర్వాత రిలీజైన ‘సైరా నరసింహా రెడ్డి’ సినిమా ‘వాల్తేరు వీరయ్య’, ‘గాడ్ ఫాదర్’ వంటి చిత్రాలు కమర్షియల్‌గా బాగానే ఆడాయి. కానీ చిరు రెంజ్‌కు తగ్గట్లుగా మాత్రం ఆడలేదు అని చెప్పాలి. అయితే ప్రజంట్ చిరు దర్శకుడు శ్రీకాంత్ ఓదెల తో మూవీ కమిట్ అయిన విషయం తెలిసిందే. నేచురల్ స్టార్ నాని నిర్మాణంలో ఈ చిత్రం రాబోతుంది. త్వరలోనే ఈ సినిమా పనులు ప్రారంభం కాబోతున్నాయి. అయితే తాజాగా దర్శకుడు శ్రీకాంత్ కి చిరు కండిషన్ పెట్టినట్లు ఓ వార్త వైరల్ అవుతుంది. ఎంటా కండిషన్ అంటే.. ఈ సినిమా కోసం శ్రీకాంత్ ఓదెలను తీసుకొని, నాని మెగాస్టార్‌ని కలిసి ఈ సినిమా కథ వినింపించారట. ఆయనకు కథ నచ్చిన తర్వాత, శ్రీకాంత్ ఓదెలకు ఓ కండీషన్ పెట్టాడట. నాని ప్రొడ్యూస్ చేస్తేనే తాను సినిమాలో నటిస్తానని చిరు చెప్పడం విశేషం. ప్రజంట్ ఈ వార్త వైరల్ అవుతుంది.