Bromance : సోనీ లివ్‌లో మే 1 నుంచి ‘బ్రొమాన్స్’

ఇటీవల థియేటర్లలో విడుదలై ప్రేక్షకుల మనసు గెలుచుకున్న హాస్యభరిత చిత్రం ‘బ్రొమాన్స్’ ఇప్పుడు సోనీ లివ్‌లో మే 1 నుంచి స్ట్రీమింగ్ కానుంది. హాస్యం, యాక్షన్, డ్రామా, స్నేహ బంధం, హృదయాన్ని హత్తుకునే భావోద్వేగ సన్నివేశాలతో రూపొందిన ఈ మలయాళ చిత్రం థియేటర్లలో చూడలేనివారికి ఇంట్లోనే అద్భుత అనుభవాన్ని అందిస్తుంది.

Vasishta : ఇలాంటి కథ ఎక్కడా వినలేదు.. క్యారెక్టరే హీరో!

చిత్ర దర్శకుడు అరుణ్ డి.జోస్ మాట్లాడుతూ, “‘బ్రొమాన్స్’ను థియేటర్లలో ఆదరించిన ప్రేక్షకులకు ఎప్పటికీ రుణపడి ఉంటాం. ఇది స్నేహ బంధంపై హృదయాన్ని హత్తుకునే కథ. డ్రామా, సస్పెన్స్, ట్విస్టులతో సినిమా అందరినీ ఆకట్టుకుంది. కనిపించకుండా పోయిన స్నేహితుడి కోసం వెతుక్కునే కథ ఇది. మే 1 నుంచి సోనీ లివ్‌లో స్ట్రీమింగ్ కాబోతుండటం ఆనందంగా ఉంది. ఈ చిత్రం మరిన్ని హృదయాలను గెలుచుకుంటుందని నమ్ముతున్నాం,” అన్నారు.

అరుణ్ డి.జోస్ దర్శకత్వంలో తెరకెక్కిన ‘బ్రొమాన్స్’ కథ బింటో అనే యువకుడి దృక్కోణంలో సాగుతుంది. అతను తన సోదరుడి స్నేహితులతో కలిసి కనిపించకుండా పోయిన సోదరుడిని వెతుక్కుంటాడు. ఒకే రాత్రిలో జరిగే ఈ కథ ఊహించని ట్విస్టులు, మరచిపోలేని క్షణాలతో నిండిన ప్రయాణంగా ప్రేక్షకులను ఆకట్టుకుంటుంది. అరుణ్ డి.జోస్, రవీష్ నాథ్, థామస్ పి.సెబాస్టియన్ రాసిన ఈ కథను అషిక్ ఉస్మాన్ నిర్మించారు. అర్జున్ అశోకన్, భరత్ బోపన్న, శ్యామ్ మోహన్, మహిమ నంబియార్, మాథ్యూ థామస్, కలభవన్ షాజోన్ వంటి ప్రతిభావంతులైన నటులు ఈ చిత్రంలో నటించారు.