సినీకార్మికులకి సోహైల్ నిత్యావసర వస్తువుల పంపిణీ

బిగ్ బాస్ షో ద్వారా సూపర్ క్రేజ్ తెచ్చుకున్న నటుడు సోహైల్. బిగ్ బాస్ హౌజ్ లో సోహైల్ ఆటతీరు కు లక్షలాది మంది ఫ్యాన్స్ గా మారారు. బిగ్ బాస్ టాప్ 3 లో ఒకడిగా నిలిచిన సోహైల్ మెగా స్టార్ చిరంజీవి ప్రశంశలు కూడా పొందారు. బిగ్ బాస్ నుంచి బయటకి వచ్చిన తరువాత పలు సేవా కార్యక్రమాలు నిర్వహిస్తూ వస్తున్నాడు సోహైల్. సోహైల్ హెల్పింగ్ హ్యాండ్స్ సంస్థ ద్వారా లాక్ డౌన్ లో ఇబ్బంది పడుతున్న సినీ కార్మికులకు తనవంతు సాయంగా నిత్యావసర వస్తువులను సరఫరా చేశారు. ఇది తనొక్కడి శ్రమ కాదని, కొంతమంది ఫ్యాన్స్ కలిసి సోహిలియన్స్ గా ఏర్పడి ఈ కార్యక్రమాన్ని ముందుకు నడిపిస్తున్నారన్నారు. ఈ సంస్థ ద్వారా ఇప్పటికే 24 లక్షలతో వైద్య సేవలు అందించామని వెల్లడించారు. గుండెసంబంధిత వ్యాధులతో, బ్రెయిన్ ట్యూమర్ వంటి ప్రాణాంతక వ్యాధులతో బాధపడుతున్న వారిని ఆదుకున్నామని, భవిష్యత్ లో కూడా ఈ సేవలు కొనసాగుతాయని వివరించారు సోహైల్.