Bhagyashri Borse hints at being part Vijay Deverakonda- Gowtam Tinnanuri Film: విజయ్ దేవరకొండ ప్రస్తుతం తన 12వ సినిమా చేస్తున్నాడు. చివరిగా పరశురామ్ దర్శకత్వంలో ది ఫ్యామిలీ స్టార్ అనే సినిమాతో ప్రేక్షకులను పలకరించిన విజయ్ ఆ సినిమాతో అనుకున్న విజయాన్ని అయితే సాధించలేకపోయాడు. ప్రస్తుతానికి విజయ్ గౌతమ్ తిన్ననూరి దర్శకత్వంలో ఒక సినిమా చేస్తున్నాడు. ఈ సినిమాకి సంబంధించిన షూటింగ్ శ్రీలంకలో జరుగుతుండగా విజయ్ కూడా ఈ షెడ్యూల్ లో పాల్గొంటున్నాడు. అయితే ఇప్పటివరకు ఈ సినిమాలో హీరోయిన్ ఎవరనే విషయం మీద క్లారిటీ లేదు. భాగ్యశ్రీ బోర్సే అనే భామను ఈ సినిమాలో తీసుకున్నట్లు ప్రచారం జరిగింది కానీ సినిమా యూనిట్ అధికారికంగా ప్రకటించలేదు.
Nirmala Sitharaman : ‘కుర్చీ సేవ్’ బడ్జెట్ ఆరోపణలపై స్పందించిన ఆర్థిక మంత్రి..
ఇప్పటికే ఈ భామ హరీష్ శంకర్ రవితేజ కాంబినేషన్ లో వస్తున్న మిస్టర్ బచ్చన్ సినిమాలో హీరోయిన్గా కనిపిస్తోంది. ఇక ఈ సినిమా ఆగస్టు 15వ తేదీన ప్రేక్షకుల ముందుకు రాబోతోంది. ఒక రకంగా తెలుగులో మొదటి సినిమా కూడా రిలీజ్ అవ్వకుండానే ఆమె ఏకంగా విజయ్ దేవరకొండ సరసన నటించే అవకాశం దక్కించుకుంది. ఈ విషయాన్ని ఆమె స్వయంగా తన సోషల్ మీడియా వేదికగా లీక్ చేసినట్లయింది. ఆమె తన ఇంస్టాగ్రామ్ స్టోరీస్ లో ప్రస్తుతం శ్రీలంకలో ఉన్నాయి కొలంబోలో ఉన్నట్టు వెల్లడించింది. దీంతో సోషల్ మీడియాలో నెటిజన్లు ఆమె ఈ విజయ్ దేవరకొండ 12వ సినిమాలో హీరోయిన్ గా నటిస్తోంది అంటూ కామెంట్స్ చేస్తున్నారు. మరి మీ అభిప్రాయం ఏంటి?