Avatar 2 : మళ్ళీ థియేటర్స్ లోకి ‘అవతార్ 2’.. !

ప్రపంచ బాక్సాఫీస్ రికార్డులను బ్రేక్ చేసిన భారీ విజువల్ వండర్ ‘అవతార్’ సిరీస్ గురించి ప్రత్యేకంగా చెప్పనవసరం లేదు. జేమ్స్ కెమెరూన్ దర్శకత్వంలో 2009లో వచ్చిన ‘అవతార్’ మొదటి భాగం చరిత్ర సృష్టించగా, 2022 లో విడుదలైన ‘అవతార్: ది వే ఆఫ్ వాటర్’ మరోసారి ప్రపంచ వ్యాప్తంగా సంచలనం సృష్టించింది. ఈ చిత్రం 2 బిలియన్ డాలర్లకు పైగా వసూళ్లు సాధించి, ఫ్యాన్స్‌కి గ్రాండ్ ట్రీట్ ఇచ్చింది.

ఇక ఇప్పుడు, అభిమానులకు మరో సర్‌ప్రైజ్ ఇవ్వడానికి మేకర్స్ సిద్ధమవుతున్నారు. అవతార్ 3 ఈ ఏడాది డిసెంబర్ 19న విడుదల కానుండగా, దానికి ముందుగా ‘అవతార్ 2’ను మళ్ళీ థియేటర్లలో విడుదల చేయబోతున్నారు. తాజాగా మేకర్స్ ప్రకటించిన సమాచారం ప్రకారం, ఈ చిత్రం అక్టోబర్ 3 నుంచి ఒక వారం పాటు మాత్రమే ప్రదర్శించబడుతుంది. అయితే ఈ రీ-రిలీజ్ భారతదేశంలో కూడా జరుగుతుందా? అన్నది ఇంకా స్పష్టత రాలేదు. గమనించదగ్గ విషయం ఏమిటంటే, ‘అవతార్ 1’ రీ-రిలీజ్ సమయంలో భారీ రికార్డు సృష్టించింది. ఇక ‘అవతార్ 2’ మరోసారి తెరపైకి వచ్చి ఎలాంటి రెస్పాన్స్ రాబడుతుందో చూడాలి.