Darshan: బళ్లారి జైలుకు అంబులెన్స్.. ఆందోళనలో దర్శన్ ఫాన్స్??

Darshan Latest Health Update: రేణుకాస్వామి హత్య కేసులో జైలు శిక్ష అనుభవిస్తున్న నటుడు దర్శన్ బెయిల్ పిటిషన్‌ను సిటీ సివిల్, సెషన్స్ కోర్టులు తిరస్కరించాయి . దీంతో దర్శన్ మళ్లీ జైలుకు వెళ్లడంతో ఆయన ఆరోగ్య సమస్యలపై కుటుంబ సభ్యులు ఆందోళన చెందుతున్నారు. ఈలోగా దర్శన్ ఉన్న బళ్లారి జైలుకు అంబులెన్స్ చేరుకోవడంతో ఈ ఆందోళన రెట్టింపయింది. మరోపక్క నటుడు దర్శన్ బెయిల్ పిటిషన్ అక్టోబర్ 22న హైకోర్టులో విచారణకు వచ్చే అవకాశం ఉంది. అయితే నటుడి ఆరోగ్యం రోజురోజుకూ క్షీణించడం ఆయన కుటుంబాన్ని, అభిమానులను ఆందోళనకు గురిచేస్తోంది. దర్శన్ కు ఎల్1, ఎల్5 వెన్నునొప్పి ఉంది. దర్శన్ వెన్ను నొప్పి రోజురోజుకూ పెరుగుతోంది. దీనికి సర్జరీ అవసరమని డాక్టర్లు సలహా ఇచ్చారు.

Ajay Bhupathi: అజయ్ భూపతి నెక్స్ట్.. ఆ స్టార్ హీరో కొడుకుతో కాదు కానీ?

ఇందుకోసం దర్శన్ బళ్లారి జైలులో ఉండడంతో బళ్లారి ఆస్పత్రిలో శస్త్రచికిత్స చేయాల్సి ఉంది. అయితే దీనికి దర్శన్ అంగీకరించడం లేదు. బెంగుళూరులో శస్త్రచికిత్స చేయించుకోవాలని పట్టుబట్టడం జైలు అధికారులకు పెద్ద తలనొప్పిగా మారింది. వీలైనంత త్వరగా సర్జరీ చేస్తే వెన్నునొప్పి నయమవుతుందని డాక్టర్ దర్శన్‌కు సూచించడంతో బెయిల్ పిటిషన్‌ దాఖలు చేశారు. అయితే బెయిల్‌ దరఖాస్తును కోర్టు తిరస్కరించింది. ఈ పరిణామాల మధ్య బళ్లారి జైలుకు అంబులెన్స్‌ వచ్చిన క్రమంలో దర్శన్‌ కు ఏమయిందని అడిగితే దీనికి సంబంధించిన సమాచారాన్ని ఎవరూ ఇవ్వడమే లేదంటున్నారు కుటుంబ సభ్యులు. దర్శన్ వెన్నునొప్పితో బాధపడుతూ దానికి క్రమం తప్పకుండా మాత్రలు వేసుకుంటున్నాడు. జైల్లో కూర్చోవడానికి సరైన కుర్చీ, పడక ఏర్పాటు లేకుండా దర్శన్ చాలా ఇబ్బంది పడాల్సి వస్తుంది. ఇక దర్శన్ కు అనారోగ్య కారణాలతో కోర్టు బెయిల్ మంజూరు చేస్తుందా? లేక బాధ భరించలేక దర్శన్ స్వయంగా బళ్లారిలో సర్జరీ చేయించుకుంటాడో వేచి చూడాలి.