Allu Arjun – Trivikram: బన్నీ-త్రివిక్రమ్ సినిమా ఆపేశారా?

పుష్ప 2 సినిమాతో బ్లాక్ బస్టర్ హిట్ అందుకున్నాడు అల్లు అర్జున్. సుకుమార్ దర్శకత్వంలో తెరకెక్కిన పుష్ప 2అద్భుతమైన విజయం సాధించడమే కాదు అనేక రికార్డులు సైతం బద్దలు కొట్టింది. ఇప్పుడు అల్లు అర్జున్ తర్వాతి సినిమా ఏది ఉంటుందో అని ఎప్పటినుంచో చర్చలు జరుగుతున్నాయి. అల్లు అర్జున్ తన తదుపరి చిత్రాన్ని త్రివిక్రమ్ తో చేయబోతున్నాడని ఆ మధ్య లీక్స్ వచ్చాయి. త్రివిక్రమ్ తో బన్నీ జులాయి, సన్నాఫ్ సత్యమూర్తి, అల వైకుంఠపురం లో లాంటి సినిమాలు చేసి బ్లాక్ బస్టర్ హిట్స్ అందుకున్నాడు. ఈసారి వీరు చేయబోయే సినిమా రొటీన్ సినిమా కాదని సోషియో మైథలాజికల్ ఫాంటసీ సినిమా అని అన్నారు. ఈ సినిమాలో అల్లు అర్జున్ మురుగన్ గా పిలుచుకునే కార్తికేయ అనే మహాశివుడి కుమారుడి పాత్రలో కనిపించబోతున్నట్లు ప్రచారం జరిగింది.

Suzhal: సుడల్ వెబ్ సిరీస్ సీజన్ 2 వచ్చేస్తుంది..

ఒకసారి ఆయనకు దూరమై ఆయనకు దగ్గర అయ్యే జర్నీని సినిమాగా ప్రేక్షకుల ముందుకు తీసుకురాబోతున్నట్లుగా ప్రచారం జరిగింది. ఇప్పటికే ఈ సినిమా గురించి నాగవంశీ ఒకసారి మాట్లాడుతూ ఈ సినిమా గత సినిమాల లాగా ఉండదని చాలా ఎక్కువ స్పాన్ ఉన్న సినిమా కావడంతో ప్రీ ప్రొడక్షన్ కి చాలా సమయం తీసుకుంటుందని చెప్పుకొచ్చారు. అయితే ఇప్పుడు మరో షాకింగ్ న్యూస్ బయటకి వస్తోంది. అల్లు అర్జున్ త్రివిక్రమ్ సినిమా ప్రస్తుతానికి పక్కన పెట్టి అల్లు అర్జున్ అట్లీ సినిమా పట్టాలు ఎక్కిస్తున్నట్టు ప్రచారం జరుగుతోంది. అయితే త్రివిక్రమ్ సినిమాను పూర్తిగా పక్కన పెట్టారా? ప్రస్తుతానికి పక్కన పెట్టారా? అనేది తెలియాల్సి ఉంది.