Raaka Remuneration: పుష్ప తర్వాత బన్నీ మార్కెట్ ఇదేనా? ‘రాకా’ రెమ్యునరేషన్ తెలిస్తే షాకే!

Raaka Remuneration: ఐకాన్ స్టార్ అల్లు అర్జున్, డైరెక్టర్ అట్లీ కాంబినేషన్‌లో తెరకెక్కుతున్న ‘రాకా’ సినిమాపై రోజురోజుకూ అంచనాలు పెరుగుతున్నాయి. ముఖ్యంగా ఈ సినిమాకు సంబంధించిన బడ్జెట్, అల్లు అర్జున్ రెమ్యునరేషన్ ఇప్పుడు ట్రేడ్ వర్గాల్లో హాట్ టాపిక్‌గా మారాయి. ఈ మూవీ కోసం బన్నీ భారీ మొత్తంలో పారితోషికం తీసుకుంటున్నట్లు ఇప్పటికే జోరుగా ప్రచారం జరుగుతుండగా.. తాజాగా ప్రాఫిట్ షేరింగ్‌కు సంబంధించిన ఓ ఆసక్తికరమైన టాక్ వినిపిస్తోంది. ట్రేడ్ వర్గాల్లో వినిపిస్తున్న సమాచారం ప్రకారం.. ‘రాకా’కు అల్లు అర్జున్ ఫిక్స్‌డ్ రెమ్యునరేషన్‌కు బదులుగా ప్రాఫిట్ షేరింగ్ విధానాన్ని ఎంచుకున్నట్లు తెలుస్తోంది. ఈ సినిమా లాభాల్లో వాటా తీసుకునే విధంగా ఆయన రెమ్యునరేషన్‌ను ఫిక్స్ చేసుకున్నారట.

ఈ మూవీ భారీ సక్సెస్ సాధిస్తే బన్నీకి ఏకంగా రూ.300 కోట్ల వరకు అందే అవకాశం ఉందనే చర్చ జరుగుతోంది. అయితే ఈ మొత్తం అధికారికంగా ధృవీకరించబడలేదు. మరోవైపు ‘రాకా’ బడ్జెట్ సుమారు రూ.600 కోట్లు ఉంటుందని టాక్. ఇందులో దాదాపు 50 శాతం షూటింగ్ దశలోనే ఖర్చయిందనే ప్రచారం కూడా ఉంది. ఇలాంటి భారీ ప్రాజెక్ట్‌లో మేకర్స్‌పై ఆర్థిక భారం తగ్గించేందుకు అల్లు అర్జున్ ప్రాఫిట్ షేరింగ్‌కు మొగ్గుచూపినట్లు సమాచారం. ఇక సినిమాలో దీపిక పదుకొణె, మృణాల్ ఠాకూర్, జాన్వీ కపూర్ వంటి స్టార్ కాస్ట్ నటిస్తున్నట్లు ప్రచారం జరుగుతుంటడం, సన్ పిక్చర్స్ భారీ స్థాయిలో నిర్మిస్తుండటం, అంతర్జాతీయ స్థాయి టెక్నీషియన్లు పనిచేస్తుండటంతో ‘రాకా’పై క్రేజ్ మరింత పెరుగుతోంది. యాక్షన్ ఎంటర్‌టైనర్‌గా తెరకెక్కుతున్న ఈ చిత్రం బన్నీ కెరీర్‌లో మరో భారీ ప్రాజెక్ట్‌గా నిలుస్తుందనే అంచనాలు ఉన్నాయి.