ఐకాన్ స్టార్ అల్లు అర్జున్, నేషనల్ క్రష్ రష్మిక మందన్న జంటగా క్రియేటివ్ జీనియస్ సుకుమార్ దర్శకత్వంలో డిసెంబర్ 5వ తేదీన ప్రేక్షకుల ముందుకు వచ్చిన చిత్రం ‘పుష్ప 2 : ది రూల్’. దేవిశ్రీ ప్రసాద్ సంగీతం అందించిన ఈ సినిమాను భారీ బడ్జెట్ పై మైత్రీ మూవీస్ నిర్మించింది. ఆంధ్రా నుండి అమెరికా వరకు ఎక్కడ చూసిన ఇప్పుడు ఒకటే మాట పుష్ప -2. హౌస్ ఫుల్ బోర్డ్స్ తో బాక్సాఫీస్ వద్ద బ్లాక్ బస్టర్ కలెక్షన్స్ రాబడుతోంది ఈ సినిమా.
Also Read : Google : మోస్ట్ సెర్చెడ్ సినిమాల్లో సౌత్ సినిమాల హవా
అల్లు అర్జున్-సుకుమార్ కాంబో ఇండియన్ ఫిల్మ్ ఇండస్ట్రీలో కొత్త బెంచ్ మార్క్ సెట్ చేసింది. ఈ సినిమా రిలీజ్ అయిన కేవలం 6 రోజుల్లో ప్రపంచవ్యాప్తంగా రూ.1000 కోట్ల కలెక్షన్‌ను దాటేసింది. దాంతో పాటు అత్యంత వేగంగా వెయ్యి కోట్ల మార్క్ ను అందుకున్న భారతీయ చిత్రంగా పుష్ప -2 నిలిచింది. కేవలం 6 రోజుల్లోనే ఇంతటి సెన్సేషన్ రికార్డును అందుకోవడం మాములు విషయం కాదని విశ్లేస్తున్నారు ట్రేడ్ పండితులు. టాలీవుడ్ లో వెయ్యి కోట్లు కలెక్షన్స్ రాబట్టిన సినిమాలు బాహుబలి 2, RRR, కల్కి సినిమాల సరసన ఇప్పుడు పుష్ప -2 వచ్చి చేరింది. ఇక లాంగ్ రన్ లో ఏ సినిమా ఎంతటి సెన్సేషన్ చేస్తుందో అని అన్ని ఇండస్ట్రీలలో చర్చ నడుస్తోంది.ఇక హిందీలో అయితే పుష్ప -2 రికార్డ్స్ ను టచ్ చేయడం ఎవరివల్ల కాదని ట్రేడ్ అనలిస్ట్ ల అంచనా. థియేటర్ రన్ ముగిసే నాటికీ పుష్ప ఎంతటి సంచలం చేస్తుందో చూడాలి.