Akkineni : చైతు – శోభితల పెళ్లి వేడుక డిజిటల్ రైట్స్ కు భారీ రేట్..?

అక్కినేని నాగ చైతన్య,నటి శోభిత శోభిత ధూళిపాళ్ల నిశ్చితార్థం కొన్ని నెలల క్రితం గ్రాండ్ గా జరిగిన సంగతి తెలిసిందే. కేవలం ఇరు కుటుంబాలకు చెందిన అతికొద్ది మంది బంధుమిత్రుల సమక్షంలో మాత్రమే ఈ వేడుక జరిగింది. ఈ నేపథ్యంలో వివాహ వేడుకను గ్రాండ్ గా చేసేందుకు ఏర్పాట్లు చేస్తున్నారు అక్కినేని కుటుంబ సభ్యులు. అక్కినేని నాగ చైతన్య, శోభిత వివాహం డిసెంబర్ 4న జరగనున్నట్లు వార్తలు వినిపిస్తున్నాయి. ఇటీవల వైజాగ్ లోని శోభిత నివాసంలో పెళ్లి పనులను కూడా స్టార్ట్ చేయడం ఆ వార్తలకు బలం చేకూరింది. వీరి పెళ్లి డేట్ ను త్వరలోనే అధికారిక ప్రకటన చేయనున్నారని సమాచారం.

Also Read : UnstoppableS4 : బాలయ్య తో నవీన్ పోలిశెట్టి – శ్రీలీల సందడి

ఇదిలా ఉండగా ఇటీవల సినీ పరిశ్రమకు చెందిన సెలెబ్రిటీలు తమ వివాహ వేడుకను ఓటీటీ సంస్థలు స్ట్రీమింగ్ చేసేందుకు ఇస్తున్నాయి. ఆ మధ్య జరిగిన లేడీ సూపర్ స్టార్ నయనతార, విగ్నేష్ శివన్ ల వివాహాన్ని నెట్ ఫిక్స్ సంస్థ భారీ అమౌంట్ ఇచ్చి మరి స్ట్రీమింగ్ చేసింది. ఇక ఇప్పుడు చైతన్య, శోభితా ల వివాహ వేడుక స్ట్రీమింగ్ రైట్స్ ను కూడా నెట్ ఫ్లిక్స్ దక్కించుకున్నట్టు న్యూస్ వినిపిస్తుంది. అయితే ధర ఎంతనేది బయటకి తెలియలేదు. తెలుస్తున్న సమాచారం ప్రకారం భారీ ధరకు వీరి కళ్యాణ వేడుక రైట్స్ డీల్ క్లోజ్ అయినట్టు తెలుస్తుంది. అక్కినేని వారి ఇంట జరగబోయే ఈ గ్రాండ్ వివాహ కార్యక్రమాన్నీ హైదరాబాద్ లోని అన్నపూర్ణ స్టూడియాలో గ్రాండ్ గా నిర్వహించేందుకు ఏర్పాట్లు చేస్తున్నారని టాలీవుడ్ లో న్యూస్ వినిపిస్తోంది.