గ్లోబ‌ల్ స్టార్ రామ్ చ‌ర‌ణ్‌, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’. ప్ర‌పంచ వ్యాప్తంగా తెలుగు, త‌మిళ, హిందీ భాష‌ల్లో జ‌న‌వ‌రి 10, 2025న మూవీ గ్రాండ్ రిలీజ్ కానుంది. న‌వంబ‌ర్ 9న ల‌క్నోలో ఈ మూవీ టీజ‌ర్‌ను రిలీజ్ చేస్తున్నారు. గేమ్ చేంజ‌ర్‌ను ఎస్‌వీసీ, ఆదిత్య‌రామ్ మూవీస్ సంస్థ‌లు తమిళంలో విడుద‌ల చేస్తున్నాయి. ఈ సంద‌ర్బంగా ఏర్పాటు చేసిన పాత్రికేయుల స‌మావేశంలో నిర్మాత‌లు దిల్‌రాజు, ఆదిత్య రామ్‌లు పాల్గొన్నారు. ఈ సంద‌ర్భంగా ఆదిత్య రామ్ మాట్లాడుతూ ‘‘నేను ప్రభాస్ ఏక్ నిరంజన్ సినిమా కారణంగా సినీ రంగం నుంచి గ్యాప్ తీసుకుని 10 సంవత్సరాలకు పైగానే అయ్యింది. దిల్‌రాజుగారితో క‌లిసి ఈ రోజు మీ ముందుకు వ‌చ్చాను.
Naga Chaitanya :సాయి పల్లవితో డాన్స్ అంటే భయం!
నేను ఆదిత్య‌రామ్ మూవీస్ బ్యాన‌ర్‌పై నాలుగు సినిమాలు చేశాను. ప్ర‌భాస్‌గారితో ఏక్ నిరంజన్ సినిమా నిర్మించిన త‌ర్వాత బ్రేక్ తీసుకున్నాను. రియ‌ల్ ఎస్టేట్ రంగంలోకి అడుగు పెట్టేశాను. అందువ‌ల్ల బ్రేక్ వ‌చ్చింది. ఇప్పుడు గేమ్ చేంజర్ సినిమాతో మీ ముందుకు వ‌స్తున్నాను. ఎస్‌వీసీతో క‌లిసి ఆదిత్య‌రామ్ మూవీస్ ఈ సినిమాను తమిళంలో విడుద‌ల చేస్తుంది. అలాగే మా కాంబినేష‌న్‌లో త‌మిళంతో పాటు పాన్ ఇండియా సినిమాల‌ను కూడా నిర్మించ‌టానికి ప్లాన్ చేస్తున్నాం. మంచి క‌థ‌లు, డైరెక్ట‌ర్స్ తో మంచి సినిమాలు చేయ‌టానికి ప్లాన్ చేస్తున్నాం. దిల్‌రాజుగారి విష‌యానికి వ‌స్తే మంచి క‌థ‌ను సెల‌క్ట్ చేసుకుని, స్క్రిప్ట్‌ను గొప్ప‌గా సిద్ధం చేసి, కొత్త ద‌ర్శ‌కుడిని ఎంచుకుని సినిమా చేస్తారు. తెలుగు సినీ ఇండ‌స్ట్రీలో ఎక్కువ సంఖ్య‌లో బ్లాక్ బ‌స్ట‌ర్స్‌, హిట్ సినిమాలు చేసిన నిర్మాత దిల్‌రాజుగారు. ఆయ‌న‌తో క‌లిసి స‌క్సెస్‌ఫుల్ సినిమాల‌ను నిర్మిస్తాన‌ని న‌మ్మ‌కంగా ఉన్నాను’’ అన్నారు.