టీవీకే పార్టీని స్థాపించి రాజకీయ అరంగేట్రం చేసిన దళపతి విజయ్ తొలి అడుగును ఘనవిజయంతో మొదలు పెట్టి నేడు తమిళనాడు ముఖ్యమంత్రిగా పగ్గాలు చేపట్టారు. చెన్నైలోని జవహర్ లాల్ నెహ్రూ ఇండోర్ స్టేడియంలో అత్యంత వైభవంగా జరుగుతున్న ఈ ప్రమాణ స్వీకార కార్యక్రమానికి రాజకీయ నేతలతో పాటు తమిళ చిత్ర పరిశ్రమ పెద్ద ఎత్తున తరలివచ్చింది. అయితే విజయ్ రాజకీయాల్లోకి వస్తున్నట్లు ప్రకటించినప్పటి నుండి ఆయనకు మద్దతుగా నిలుస్తున్న నటి త్రిష కృష్ణన్, ఈ వేడుకలో ప్రత్యేక ఆకర్షణగా నిలిచారు. విజయ్తో అనేక సూపర్ హిట్ చిత్రాల్లో నటించిన త్రిష స్టేడియానికి చేరుకోగానే అభిమానులు కేరింతలతో స్వాగతం పలికారు. విజయ్ సాధించిన ఈ చారిత్రాత్మక విజయాన్ని అభినందిస్తూ ఆయన ప్రమాణ స్వీకార మహోత్సవానికి ఆమె హాజరై తన మద్దతును చాటుకున్నారు.
కేవలం త్రిష మాత్రమే కాకుండా, కోలీవుడ్కు చెందిన పలువురు అగ్ర నటులు, దర్శకులు మరియు సాంకేతిక నిపుణులు విజయ్కు శుభాకాంక్షలు తెలియజేయడానికి వేదిక వద్దకు చేరుకున్నారు. స్టేడియం లోపల మరియు వెలుపల వేలాది మంది అభిమానులు “దళపతి.. దళపతి” అంటూ చేస్తున్న నినాదాలతో నెహ్రూ స్టేడియం హోరెత్తిపోతోంది. 2026 అసెంబ్లీ ఎన్నికల్లో 108 స్థానాలను కైవసం చేసుకున్న విజయ్, కాంగ్రెస్ మరియు ఇతర మిత్రపక్షాల మద్దతుతో ప్రభుత్వాన్ని ఏర్పాటు చేశారు. సుమారు 60 ఏళ్ల తర్వాత ద్రవిడ పార్టీల (DMK, AIADMK ఆధిపత్యానికి గండి కొడుతూ ఒక నటుడు ముఖ్యమంత్రి పీఠాన్ని అధిరోహించడం తమిళనాడు రాజకీయాల్లో పెను సంచలనంగా మారింది.