కొరటాల బర్త్ డే: ‘ఆచార్య’ నుంచి మరో సర్‌ప్రైజ్‌?

దర్శకుడు కొరటాల శివ ‘మిర్చి’ లాంటి తొలి సినిమాతోనే బాక్సాఫీస్ వద్ద సూపర్ డూపర్ హిట్ కొట్టాడు. ఆతర్వాత ‘శ్రీమంతుడు’, ‘జనతా గ్యారేజ్’, ‘భరత్ అనే నేను’ లాంటి వరుస హిట్లతో సక్సెస్ ఫుల్ దర్శకుడిగా మారాడు. ప్రస్తుతం మెగాస్టార్ చిరంజీవి హీరోగా ‘ఆచార్య’ సినిమా చేస్తున్నాడు. అయితే రేపు కొరటాల శివ పుట్టినరోజు నేపథ్యంలో కొరటాల సినిమాలకు సంబంధించిన సర్‌ప్రైజ్‌ ఏమైనా ఉంటుందా అని సినీ అభిమానులు ఎంతో ఆసక్తిగా ఎదురుచూస్తున్నారు. అయితే ఆచార్య సినిమా నుంచి వచ్చిన ఫస్ట్ సింగిల్ ఆకట్టుకోగా.. రేపు సెకండ్ సింగిల్ రానున్నట్లుగా తెలుస్తోంది. మరోవైపు కొరటాల, యంగ్ టైగర్ ఎన్టీఆర్ తో తన తదుపరి సినిమా చేయనున్న సంగతి తెలిసిందే. ఈ చిత్రం నుంచి కూడా ఏమైనా సర్‌ప్రైజ్‌ ఉంటుందేమో చూడాలి.