జూన్ 10న నటసింహం నందమూరి బాలకృష్ణ పుట్టినరోజు. అయితే ఒకరోజు ముందుగానే ఆయన బర్త్ డే సెలెబ్రేషన్స్ ను మొదలు పెట్టడానికి సిద్ధమయ్యారు “అఖండ” టీం. పుట్టినరోజు సందర్భంగా బాలయ్య కొత్త బర్త్ డే పోస్టర్ ను విడుదల చేయనున్నట్టు ప్రకటించారు. రేపు సాయంత్రం 4 గంటల 36 నిమిషాలకు “అఖండ” టీం బాలయ్య పోస్టర్ ను రిలీజ్ చేయనున్నారు. ఈ విషయాన్నీ తాజాగా ప్రకటించారు మేకర్స్. దీంతో నందమూరి అభిమానులు రేపు బాలయ్య పిక్ ను సోషల్ మీడియాలో ట్రెండ్ చేసి తమ అభిమానాన్ని చాటుకోవడానికి సిద్ధమవుతున్నారు. నందమూరి బాలకృష్ణ, మాస్ డైరెక్టర్ బోయపాటి శ్రీను కాంబినేషన్ లో అవుట్ అండ్ అవుట్ కమర్షియల్ గా తెరకెక్కుతున్న చిత్రం ‘అఖండ’. ఉగాది కానుకగా ఈ చిత్రం నుంచి ఏప్రిల్ 13న విడుదలైన టైటిల్ రోర్ ‘అఖండ’ వీడియో బాలయ్య కెరీర్లోనే నెవర్ బిఫోర్ రికార్డులను క్రియేట్ చేస్తోంది ఈ చిత్రం. ఈ చిత్రంలో శ్రీకాంత్ విలన్ గా నటిస్తుండగా… ప్రగ్యా జైస్వాల్ హీరోయిన్ గా, పూర్ణ కీలక పాత్రలో కనిపించనున్నారు. ఈ చిత్రాన్ని మిరియాల రవీందర్ రెడ్డి నిర్మిస్తున్నారు.
