Raviteja: సితార్ అంటూ వచ్చేసిన మాస్ మహారాజ్

మాస్ మహారాజ రవితేజ, పీపుల్స్ మీడియా నిర్మాణంలో వస్తున్న చిత్రం MR. బచ్చన్. రవితేజకు జోడిగా భాగ్యశ్రీ బోర్స్ నటిస్తోంది. మాస్ రాజాకు మిరపకాయ్ వంటి బ్లాక్ బస్టర్ అందించిన హరీష్ శంకర్ ఈ చిత్రానికి దర్శకత్వం వహిస్తున్నారు. రవితేజ గత చిత్రాలు నిరాశ పరచడంతో అభిమానులు ఈ చిత్రంపై ఎన్నో అంచనాలు పెట్టుకున్నారు.

ఇటీవల మ్యూజిక్ సిట్టింగ్స్ ప్రారంభించాడు బచ్చన్ సాబ్. ఈ నేపథ్యంలో ఈ రోజు బచ్చన్ లోని ఫస్ట్ సింగిల్ ను విడుదల చేసారు. సితార్ అంటూ సాగే ఈ పాటను ప్రముఖ రచయిత సాహిత్య రచించారు. మిక్కి జే మేయర్ ఈ చిత్రనికి సంగీతం అందిస్తున్నారు. ప్లెసెంట్ మ్యూజిక్ తో సితార్ పాట వినసొంపుగా ఉంది. ఈ పాటలో రవితేజ, హీరోయిన్ భాగ్య శ్రీ బోర్సే మధ్య కెమిస్ట్రీ ఫ్యాన్స్ కు కనుల విందుగా ఉంది. శేఖర్ మాస్టర్ కొరియోగ్రాఫి చేసిన ఈ సాంగ్ ను అందమైన లోకేషన్లలో తెరకెక్కించారు.ఇక మిక్కీ జె మేయర్ మిగతా ఆల్బమ్ కూడా ఇదే రేంజ్ ఇస్తే బాగుంటుందని ఫ్యాన్స్ కొట్టుకుంటున్నారు. కాగా ఈ చిత్ర ఆడియో రైట్స్ ను ప్రముఖ బాలీవుడ్ సంస్థ ‘T’ సీరిస్ కొనుగోలు చేసింది.ప్రస్తుతం నాన్ థియేట్రీకల్ బిజినెస్ కు సంబంధించిన డీల్ క్లోజ్ చేసే పనిలో ఉన్నారు నిర్మాతలు. పీపుల్ మీడియా ఫ్యాక్టరీ నిమిస్తున్న ఈ చిత్రాన్ని స్వాతంత్ర దినోత్సవం కానుకగా ఆగస్టు 15న రిలీజ్ కు ఏర్పాట్లు చేస్తున్నారు. పనిలో పనిగా సితార్ అంటూ రిలీజ్ ఆయిన్ ఫస్ట్ సింగిల్ ను ఓ సారి వినండి.