Chiru Bobby 2 :మెగాస్టార్ కొత్త లుక్.. బాబీతో క్రేజీ మూవీ ముహూర్తం ఫిక్స్.!

Chiru Bobby 2 : మెగాస్టార్ చిరంజీవి, బ్లాక్‌బస్టర్ డైరెక్టర్ బాబీ కొల్లి కాంబినేషన్‌లో తెరకెక్కబోతున్న మోస్ట్ అవేటెడ్ మూవీ ‘#ChiruBobby2’ (#Chiru158) పూజా కార్యక్రమాలకు ముహూర్తం ఖరారైంది. గతంలో వీరిద్దరి కాంబోలో వచ్చిన ‘వాల్తేరు వీరయ్య’ బాక్సాఫీస్ వద్ద రికార్డుల వర్షం కురిపించడంతో ఈ సరికొత్త ప్రాజెక్ట్‌పై అటు అభిమానుల్లో, ఇటు ట్రేడ్ వర్గాల్లో భారీ అంచనాలు నెలకొన్నాయి. ఈ క్రేజీ చిత్రానికి సంబంధించి మే 21వ తేదీన చిత్ర యూనిట్ అత్యంత వైభవంగా ముహూర్తపు పూజా కార్యక్రమాలను నిర్వహించబోతోంది. ఆ వెంటనే మే 25వ తేదీ నుండి ఈ సినిమా రెగ్యులర్ షూటింగ్ శరవేగంగా ప్రారంభం కానుంది.

 

దర్శకుడు బాబీ మార్క్ పక్కా కమర్షియల్ ఎలిమెంట్స్‌తో రూపొందుతున్న ఈ చిత్రం మొదటి షెడ్యూల్‌లోనే మెగాస్టార్ చిరంజీవి పాల్గొనబోతున్నారు. ఈ సినిమాలో తన పాత్ర ఎంతో వైవిధ్యంగా ఉండబోతుండటంతో, కథ డిమాండ్ మేరకు మెగాస్టార్ పూర్తిస్థాయిలో బాడీ ట్రాన్స్‌ఫార్మ్ చేసుకుంటున్నట్లు సమాచారం. తన లుక్ కోసం చిరంజీవి ప్రత్యేకంగా కసరత్తులు కూడా చేస్తుండటంతో.. వెండితెరపై మెగాస్టార్‌ను సరికొత్తగా ప్రెజెంట్ చేయడానికి దర్శకుడు బాబీ పవర్‌ఫుల్ స్క్రిప్ట్‌తో సిద్ధమైనట్లు ఫిలిం నగర్ వర్గాలు చెబుతున్నాయి.