నందమూరి నట వారసుల్లో కళ్యాణ్ రామ్ ఒకడు.. ప్రస్తుతం కళ్యాణ్ రామ్ హీరోగా, నిర్మాతగా కూడా వ్యవహరిస్తున్నాడు. ఇక గత కొన్ని ఏళ్ళుగా కళ్యాణ్ రామ్ సరైన విజయం కోసం ఎదురుచూస్తున్న విషయం విదితమే. ఈ నేపథ్యంలోనే ఈసారి చారిత్రాత్మకమైన కథతో ప్రేక్షకుల ముందుకు రానున్నాడు. నూతన దర్శకుడు వశిష్ట్ దర్శకత్వంలో కళ్యాణ్ రామ్ నటిస్తునం చిత్రం ‘బింబిసార’. 500 వ శతాబ్దంలో మగధ దేశ రాజు భట్టియా కుమారుడైన బింబిసార జీవిత కథ ఆధారంగా ఈ సినిమాను తెరక్కించారు. ఇకపోతే ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి.
బింబిసార గా కళ్యాణ్ రామ్ లుక్ గూస్ బంప్స్ తెప్పిస్తున్నాయి. ఆనాటి కాలంలో రాజు ఎలా ఉండేవాడు అనేది కల్యాణరామ్ ను చూస్తుంటే తెలుస్తోంది. ఇక తాజాగా ఈ సినిమా ట్రైలర్ రిలీజ్ కు మేకర్స్ ముహూర్తం ఫిక్స్ చేశారు. ట్రైలర్ రిలీజ్ డేట్ ను అనౌన్స్ చేసి చిన్నపాటి గ్లింప్స్ ను కూడా వదిలారు. ” ఓ యుద్ధం మీద పడితే ఎలా ఉంటుందో చూస్తారు” అంటూ కళ్యాణ్ రామ్ బేస్ వాయిస్ తో డైలాగ్ చెప్పడం, మధ్యలో టీజర్ లోని కొన్ని షాట్స్ ను చూపించడంతో ఈ సినిమాపై అంచనాలు పెరిగిపోయాయి. జూలై 4 న ఈ సినిమా ట్రైలర్ ను రిలీజ్ చేయనున్నారు. రెండు విభిన్నమైన పాత్రల్లో కళ్యాణ్ రామ్ కనిపిస్తున్నాడు. ఆ కళ్లలో రాజు పౌరుషం, పొగరు రెండు కనిపిస్తున్నాయి. ప్రస్తుతం ఈ వీడియో నెట్టింట వైరల్ గా మారింది. ఇకపోతే ఈ చిత్రంలో కళ్యాణ్ రామ్ సరసన క్యాథరీన్ థెరిసా, సంయుక్త మీనన్ నటిస్తున్నారు. మరి ఆగస్టు 5 న రిలీజ్ కాబోతున్న ఈ సోషియో ఫాంటసీ చిత్రం అయినా కళ్యాణ్ రామ్ కు హిట్ ను అందిస్తుందేమో చూడాలి.
ఓ యుద్ధం మీద పడితే ఎలా ఉంటుందో చూస్తారు 🔥
Mighty #BimbisaraTrailer unveils on JULY 4th 💥– https://t.co/hOON7noqLs#BimbisaraOnAugust5th@NANDAMURIKALYAN @DirVashist @CatherineTresa1 @iamsamyuktha_ @Warina_Hussain @actorysr @mmkeeravaani @ChirantannBhatt @AnilPaduri pic.twitter.com/drgqm7XtGN
— NTR Arts (@NTRArtsOfficial) July 1, 2022