5 సీజన్‌ల నుంచి తెలుగు ప్రేక్షకులను అలరిస్తున్న “బిగ్ బాస్ షో” ఇప్పుడు కొత్తగా OTT వెర్షన్ తో స్ట్రీమింగ్ కి రెడీ అయ్యింది. డిస్నీ ప్లస్ హాట్‌స్టార్‌లో “బిగ్ బాస్ నాన్ స్టాప్” అనే కొత్త వెర్షన్ తో ఫిబ్రవరి 26 నుంచి అందరినీ అలరించడానికి రెడీ గా ఉంది. ఈ “బిగ్ బాస్ నాన్ స్టాప్” ప్రత్యేకత ఏమిటంటే 24 గంటలూ డిస్నీలో ప్రసారం కానుంది. ఇప్పుడు రాబోతున్న ఓటిటి వెర్షన్ గతంలో కంటే మరింత స్పైసీగా, ధైర్యంగా, క్రేజీగా, వినోదాత్మకంగా ఉంటుందని తెలుస్తోంది. ఇక ఎప్పటిలాగే నాగార్జున ఈ షోకు హోస్ట్ గా వ్యవహరించబోతున్నారు.
Read Also : Bheemla Nayak Success Press Meet : సారీ చెప్పిన త్రివిక్రమ్
హోస్ట్ కింగ్ నాగార్జున తన వినోదాత్మక వ్యక్తిత్వంతో హాట్ హాట్‌గా అందిస్తున్నకొత్త సీజన్ ప్రీమియర్‌ని ఫిబ్రవరి 26న సాయంత్రం 6 గంటలకు గ్రాండ్ గా లాంచ్ కానుంది. ఈ సందర్భంగా “బిగ్ బాస్ నాన్ స్టాప్” నుంచి కొత్త ప్రోమో విడుదలైంది. ఈ ప్రోమో మొత్తం ‘భీమ్లా నాయక్’ మ్యూజిక్, డైలాగులతో, సస్పెన్స్, సర్ప్రైజ్ లతో నిండిపోయింది. బిగ్ బాస్ నాగార్జునకే పంచ్ వేయడం హైలెట్. ఈ షో గ్రాండ్ లాంచ్ కోసం బుల్లితెర ప్రేక్షకులు ఎంతో ఆసక్తిగా ఎదురు చూస్తున్నారు.
