ఆ పనికి అమ్మాయిలే కాదు ట్రాన్స్ జెండర్స్ అయినా పర్లేదు- స్టార్ డైరెక్టర్
- Follow Us :
-
-
Add as a preferred
source on google
నటుడు, దర్శకుడు రాహుల్ రవీంద్రన్, నాగార్జున తో ‘మన్మధుడు 2’ చిత్రం తీసి భారీ పరాజయాన్ని మూటగట్టుకున్నాడు. ఈ సినిమా తరువాత రాహుల్ డైరెక్టర్ గా మరో కొత్త చిత్రాన్ని తెరకెక్కిస్తున్నట్లు తెలుస్తోంది. ప్రస్తుతం ప్రీ ప్రొడక్షన్ వర్క్ లో తలమునకలవుతున్నట్లు రాహుల్ ఇటీవల తెలిపాడు. ఇకపోతే ఈ సినిమా కోసం అసిస్టెంట్ డైరెక్టర్స్ కావాలని ప్రకటించాడు. ట్విట్టర్ వేదికగా ఈ విషయాన్ని తెలిపారు. ముఖ్యంగా మహిళలకు మాత్రమే ప్రాధాన్యం అని తెలిపాడు. ” నా తదుపరి ప్రాజెక్ట్ కి మహిళా అసిస్టెంట్ డైరెక్టర్ కోసం వెతుకుతున్నాను.. మహిళలకు సమాన హక్కు కల్పించాలని నా ఉద్దేశ్యం.. ఇంట్రెస్ట్ ఉన్నవారు , హార్డ్ వర్క్ చేయగలను అనుకున్నవారు నా మెయిల్ కి సీవీ పంపించాల్సిందిగా కోరుతున్నాను”.అని తెలిపాడు.
అంతేకాకుండా కేవలం మహిళలే కాకుండా ట్రాన్స్ జెండర్స్ కి కూడా ఈ అవకాశం లభిస్తుందని చెప్పుకొచ్చాడు. వారికి ఒక భరోసా కూడా ఇచ్చాడు. ఒకవేళ ఎవరైనా ట్రాన్స్ జెండర్ అసిస్టెంట్ డైరెక్టర్ గా జాయిన్ అయితే వారికి గౌరవమైన వృత్తిని, మంచి గౌరవమైన వాతావరణాన్ని కల్పిస్తానని మాట ఇచ్చాడు. ప్రస్తుతం ఈ ట్వీట్స్ నెట్టింట వైరల్ గా మారాయి. మరి ఈ అరుదైన అవకాశాన్ని ఎవరు అందుకుంటారో చూడాలంటే కొన్నిరోజులు ఆగాల్సిందే.