Arjun Chakravarthy – Journey of an Unsung Champion first look out now: ఇప్పటికే స్పోర్ట్స్ పర్సన్స్ గురించి అనేక బయోపిక్ సినిమాలు రాగా ఇప్పుడు మరో స్పోర్ట్స్ పర్సన్ గురించి బయోపిక్ రానుంది. “అర్జున్ చక్రవర్తి, జర్నీ ఆఫ్ యాన్ అన్సంగ్ ఛాంపియన్” పేరుతో ఒక సినిమా తెరకెక్కుతోంది. విక్రాంత్ రుద్ర దర్శకత్వం వహిస్తున్న ఈ సినిమాకి శ్రీని గుబ్బల నిర్మాత కాగా విజయ రామరాజు, సిజా రోజ్ ప్రధాన పాత్రలు పోషిస్తున్నారు. అజయ్, దయానంద్ రెడ్డి, అజయ్ ఘోష్, దుర్గేష్ తదితరులు ముఖ్య పాత్రలు పోషిస్తున్న ఈ సినిమా 1980లలో భారతదేశానికి ప్రాతినిధ్యం వహించిన కబడ్డీ ఆటగాడి నిజ జీవిత కథ ఆధారంగా రూపొందుతోంది. ఇది ఒక క్రీడాకారుడు జీవితంలో కష్టాలను, విజయాలు సహజంగా కళ్ళకు కట్టినట్టు చూపిస్తూ సాగే సినిమా అని అంటున్నారు.
OnePlus Foldable: వన్ ప్లస్ ఓపెన్ ఫోన్ కొనాలంటే ఇదే మంచి ఛాన్స్… ఏకంగా 11 వేలు డిస్కౌంట్.. ఎలా అంటే?
తాజాగా ఈ సినిమా నుంచి విజయ రామరాజు ఫస్ట్లుక్ని విడుదల చేశారు మేకర్స్. ఈ ఫస్ట్ లుక్లో అర్జున్ చక్రవర్తి స్టేడియం మధ్యలో చేతిలో పతకంతో, ముఖంలో అనుకున్నది సాధించానన్న గర్వంతో కనిపిస్తున్నారు. “భారత కబడ్డీపై అర్జున్ చక్రవర్తి ప్రభావం, 1980లలో భారత క్రికెట్పై కపిల్ దేవ్ ప్రభావం స్థాయిలో ఉంటుంది” అంటూ రాసిన అక్షరాలు సినిమాపై అంచనాలను మరోస్థాయికి తీసుకెళ్తున్నాయి. ఈ సినిమా కోసం అత్యున్నత సాంకేతిక బృందం పని చేస్తోంది, విఘ్నేష్ బాస్కరన్ సంగీతం సమకూరుస్తున్న ఈ సినిమాకి జగదీష్ చీకాటి సినిమాటోగ్రఫీ అందిస్తున్నారు. సుమిత్ పటేల్ ఆర్ట్ డైరెక్షన్, ప్రదీప్ నందన్ ఎడిటింగ్ బాధ్యతలు నిర్వహిస్తున్న ఈ అర్జున్ చక్రవర్తి తెలుగు -తమిళ భాషల్లో ఏకకాలంలో షూట్ చేయబడింది. హిందీ, మలయాళం, కన్నడ భాషలలో డబ్ చేయబడి, పాన్-ఇండియా విడుదలకు సిద్ధమవుతోంది.
