Anushka Shetty: ఇలాంటి సినిమా ఒక్కటి పడితే చాలు… అనుష్క ర్యాంపేజ్ చూడొచ్చు

హీరోలు సూపర్ స్టార్స్ గా ఎదుగుతున్న ఇండస్ట్రీలో ఫీమేల్ స్టార్స్ జనరేషన్ కి ఒకరు ఊహించని విధంగా బయటకి వస్తారు. హీరోలకి ఉన్న మార్కెట్, హీరోలకి ఉండే ఫాలోయింగ్ రెండింటినీ సొంతం చేసుకోని స్ట్రాంగ్ గా నిలబడగలరు. ఇలా నిలబడిన అతి తక్కువ మంది హీరోయిన్స్ లో అనుష్క టాప్ పొజిషన్ లో ఉంటుంది. అరుంధతి సినిమాతో లేడీ సూపర్ స్టార్ గా ఎదిగిన అనుష్క… ఆ తర్వాత బ్యాక్ టు బ్యాక్ ఫీమేల్ సెంట్రిక్ సినిమాలతో మార్కెట్ ని పెంచుకుంది. అనుష్క సినిమా వస్తుంది అంటే స్టార్ హీరోల సినిమాకి ఉండే రేంజ్ సెలబ్రేషన్స్ జరుగుతాయి అంటే ఆమె రేంజ్ ఎలాంటిదో అర్ధం చేసుకోవచ్చు. బాహుబలి తర్వాత అంటే అనుష్క కాస్త లావు అయ్యి సినిమాలని తగ్గించింది కానీ లేదంటే అనుష్క ఏడాదికి ఒక సినిమా చేసినా చాలు సినీ అభిమానులు థియేటర్స్ కి కదిలొస్తారు.

ఇటీవలే మిస్ శెట్టి మిస్టర్ పోలిశెట్టి సినిమాతో బయ్యర్స్ ని మంచి ప్రాఫిట్స్ ఇచ్చిన అనుష్క… బాహుబలి తర్వాత నటించిన సినిమా భాగమతి. అశోక్ డైరెక్ట్ చేసిన ఈ సినిమాలో అనుష్క ట్రెమండస్ పర్ఫార్మెన్స్ చూపించింది. కలెక్టర్ గా సాఫ్ట్ రోల్ ప్లే చేస్తూనే భాగమతి దేవిగా నట విశ్వరూపం చూపించింది. ఎవడు పడితే వాడు రావడానికి, ఎప్పుడు పడితే అప్పుడు పోవడానికి ఇదేమైనా పశువుల దొడ్డా… భాగమతి అడ్డా అనే డైలాగ్ కి థియేటర్స్ లో ఆడియన్స్ విజిల్స్ వేశారు. 2018 జనవరి 26న రిలీజైన ఈ మూవీ ఆరేళ్లు కంప్లీట్ చేసుకుంది. భాగమతి సినిమా ఎండ్ లో సీక్వెల్ ఉంటుందన్నట్లు హింట్ ఇచ్చారు మేకర్స్. మరి భాగమతి 2 ఎప్పుడు ఉంటుంది? అనుష్కని మళ్లీ లేడీ ఓరియెంటెడ్ సినిమాలో ఎప్పుడు చూడొచ్చు అనే ప్రశ్నకి సమాధానం తెలియాల్సి ఉంది.