విజయ్ సేతుపతితో తాప్సి రొమాన్స్… పిక్స్ వైరల్

దీపక్ సుందరరాజన్ దర్శకత్వం వహిస్తున్న తాజా హార్రర్-కామెడి చిత్రం “అన్నాబెల్లె సేతుపతి”. ఈ చిత్రంలో విజయ్ సేతుపతి, తాప్సి జంటగా నటిస్తున్నారు. తాజాగా ఈ చిత్రానికి సంబంధించిన పిక్స్ నెట్టింట్లో వైరల్ అవుతున్నాయి. అందులో విజయ్ సేతుపతి, తాప్సీ కత్తి పోరాటం సమయంలో రొమాన్స్ చేస్తున్నట్లు కనిపిస్తారు. మరో పిక్ లో విజయ్ సేతుపతి సంప్రదాయ దుస్తుల్లో కన్పిస్తుంటే, తాప్సి మాత్రం వెస్టర్న్ వేర్ ధరించి, తలపై హ్యాట్ పెట్టుకోవడం ఆసక్తికరంగా ఉంది. విజయ్ సేతుపతి, తాప్సీ ఇద్దరూ ఈ చిత్రంలో ద్విపాత్రాభినయం చేస్తారని సమాచారం. అన్నాబెల్లె అనేది హాలీవుడ్ హారర్ మూవీ ‘కంజురింగ్’ సిరీస్‌లో మొదట వచ్చిన ఒక ప్రముఖ పాత్ర పేరు. ఆ తర్వాత ఈ పేరుతో సినిమాలు కూడా వచ్చాయి.

Read Also : ‘ఆర్ఆర్ఆర్’ షూటింగ్ పూర్తి

అలా హాలీవుడ్ ద్వారా ప్రపంచవ్యాప్తంగా పాపులర్ అయిన ఈ పేరును తెలుగు టైటిల్ గా పెట్టడం విశేషం. తాప్సీ అన్నాబెల్లె అనే అధునాతన నగర అమ్మాయిగా నటిస్తుండగా, మక్కల్ సెల్వన్ సేతుపతి పాత్రలో నటిస్తున్నట్లు తెలిసింది. “అన్నాబెల్లె సేతుపతి” షూటింగ్ జైపూర్‌లో పూర్తయింది. పాషన్ స్టూడియోస్ నిర్మించిన ఈ సినిమాలో యోగి బాబు, రాధికా శరత్‌కుమార్ మరియు రాజేంద్ర ప్రసాద్ కూడా నటించారు. “గేమ్ ఓవర్” మూవీతో 2019లో చివరగా సౌత్ లో కన్పించిన తాప్సి ఈ సినిమాతో మరోసారి ఇక్కడ ఉన్న తన అభిమానులను పలకరించనుంది.