Shiva Rajkumar: ఫిబ్రవరి షెడ్యూల్ తో ‘ఘోస్ట్’ షూటింగ్ పూర్తి

‘Ghost’: డా. శివరాజ్ కుమార్ హీరోగా హై ఓల్టేజ్ యాక్షన్ థ్రిల్లర్ గా ప్యాన్ ఇండియా లెవెల్ లో రూపొందుతోన్న చిత్రం ‘ఘోస్ట్’. కన్నడలో ‘బీర్బల్’ వంటి బ్లాక్ బస్టర్ చిత్రాలు రూపొందించి తనకంటూ ప్రత్యేకమైన స్థానం సంపాదించుకున్న దర్శకుడు శ్రీని ‘ఘోస్ట్’ చిత్రానికి దర్శకత్వం వహిస్తున్నారు. ప్రముఖ రాజకీయ నాయకుడు సందేశ్ నాగరాజ్ తన సందేశ్ ప్రొడక్షన్స్ బ్యానర్ పై ‘ఘోస్ట్’ చిత్రాన్ని ప్రతిష్టాత్మకంగా నిర్మిస్తున్నారు. న్యూ ఇయర్ సందర్భంగా టీం అద్భుతంగా డిజైన్ చేసి రిలీజ్ చేసిన శివరాజ్ కుమార్ రెట్రో మోషన్ పోస్టర్ కి చక్కని స్పందన వచ్చింది. ఈ లుక్ ‘ఘోస్ట్। చిత్రంలో కీలకమైన ఫ్లాష్ బ్యాక్ లో రానుంది.

ఇదిలా ఉంటే, యాక్షన్ థ్రిల్లర్ గా తెరెక్కుతున్న ‘ఘోస్ట్’ సెకండ్ షెడ్యూల్ ఇటీవలే మైసూర్ లో పూర్తి చేసుకుంది. మూడో షెడ్యూల్ ఫిబ్రవరి మొదటి వారంలో బెంగళూరులో వేసిన మరో భారీ సెట్ లో ప్రారంభమవుతుంది. ఈ షెడ్యుల్ లో హీరో ఇంట్రడక్షన్ సీన్స్ తో పాటు, క్లైమాక్స్ సన్నివేశాలు, నాలుగు యాక్షన్ సీక్వెన్స్ షూట్ చేస్తారు. దీంతో షూటింగ్ పార్ట్ మొత్తం పూర్తవుతుంది. ప్రముఖ ఆడియో కంపెనీ ఆనంద్ ఆడియో ఈ మూవీ మ్యూజిక్ రైట్స్ ను రికార్డ్ ప్రైస్ కి కైవసం చేసుకుంది. అన్నీ భాషల ఆడియో హక్కులను ఆనంద్ ఆడియో సొంతం చేసుకోవడం విశేషం. ప్రముఖ మలయాళ నటుడు జయరామ్ ఇందులో కీలక పాత్ర పోషిస్తుండగా, ప్రశాంత్ నారాయణ్, అచ్యుత్ కుమార్, దత్తన్న, అవినాష్ ఇతర ప్రధాన పాత్రల్లో కనిపిస్తారు.ఈ సినిమాకు ‘మస్తీ’ ప్రసన్న వి.ఎం. డైలాగ్స్ రాస్తున్నారు. కె.జి.ఎఫ్. తో దేశవ్యాప్తంగా గుర్తింపు తెచ్చుకున్న ఆర్ట్ డైరెక్టర్ శివ కుమార్ ఈ సినిమాకి పనిచేస్తున్నారు. పాపులర్ మ్యూజిక్ డైరెక్టర్ అర్జున్ జన్య సంగీతాన్ని అందిస్తున్నారు.