Allu Arjun : నెవ్వర్ బిఫోర్ అవతార్స్‌లో అల్లు అర్జున్

హీరోలను డబుల్ రోల్ లేదా త్రిబుల్ రోల్‌లో చూపించడం అట్లీకి ఓ ఫాంటసీ. అల్లు అర్జున్‌ను ఈ వరల్డ్‌లోకి తీసుకొస్తున్నాడు. పుష్ప2తో బాక్సాఫీస్ షేక్ చేసిన అల్లుఅర్జున్.. నెక్ట్స్ ప్రాజెక్ట్స్ విషయంలోనూ అంచనాలు తగ్గకుండా ప్లాన్ చేసుకోవడమే కాదు.. మునుపెన్నడూ చేయని సరికొత్త ప్రయోగాలు షురూ చేశాడు. భారీ సైన్స్‌ ఫిక్షన్ మూవీ రాకాలో నెవ్వర్ బిఫోర్ అవతారాల్లో కనిపించబోతున్నాడట. ఇందులో త్రిబుల్ రోల్ చేస్తున్నాడని టాక్. ఫాదర్, సన్ మాత్రమే కాదు విలన్‌ రోల్ కూడా స్టైలిష్ స్టారే చేస్తున్నాడని బజ్.

అట్లీతో మూవీ ఫినీష్ కాగానే.. లోకేశ్ కనగరాజ్ ప్రాజెక్ట్‌కు షిష్ట్ కాబోతున్నాడు అల్లు అర్జున్. లోకేశ్ సినిమాలంటే డ్రగ్స్, వెపన్స్, మాఫియా ఇలా చూపిస్తుంటాడు. నెక్ట్స్ బన్నీని చూపిస్తే.. మరో పుష్ప అవుతుందనుకున్నడేమో.. ఈ సారి కాప్ రోల్ చేయిస్తున్నాడని టాక్. కాప్ మూవీని డైరెక్ట్ చేయాలని ఉందని, కాక కాక, వెట్టైయాడు వెల్లైయాడు, సామి లాంటి పవర్ ఫుల్ కాప్ సినిమాలొచ్చి చాన్నాళ్లు అవుతోందని రీసెంట్‌గా ఓ ఇంటర్వ్యూలో తెలిపాడు లోకేశ్ కనగరాజ్. లోకేశ్ తన మనసులో మాట చెప్పగానే.. అల్లు అర్జున్ ఫ్యాన్స్ అలర్ట్ అయిపోయారు. ఏఏ 23లో బన్నీని కాప్ రోల్‌లో చూస్తామని ఫిక్సైపోతున్నారు. ఐకాన్ స్టార్ ఇప్పటి వరకు ఫుల్‌లెంత్‌… అందులోనూ సీరియస్ పోలీసాఫీసర్ రోల్ చేయలేదు. రేసు గుర్రంలో కాసేపు సరదాగా కనిపిస్తాడు. ఒక వేళ ఐకాన్ స్టార్‌.. ఖాకీ డ్రెస్ వేస్తే బాక్సాఫీస్ షేక్ అవుద్దని అంటున్నారు ఫ్యాన్స్. మరి లోకేష్ ఏం ప్లాన్ చేసాడో చూడాలి.