Basil Joseph: అల్లు అర్జున్‌తో బాసిల్ జోసెఫ్ మూవీ ఖాయమేనా? ఒక్క పోస్టుతో ఊహాగానాలకు చెక్!

Basil Joseph: గత కొంతకాలంగా మలయాళ దర్శకుడు బాసిల్ జోసెఫ్‌తో కలిసి ఐకాన్ స్టార్ అల్లు అర్జున్ ఓ ఫాంటసీ చిత్రంలో నటించనున్నారనే ప్రచారం జరుగుతోంది. అయితే ఇప్పటివరకు ఈ కాంబినేషన్‌పై ఎలాంటి అధికారిక ప్రకటన వెలువడలేదు. తాజాగా బాసిల్ జోసెఫ్ సోషల్ మీడియాలో చేసిన ఒక పోస్ట్ మాత్రం ఈ ఊహాగానాలకు తెర దించినట్లే కనిపిస్తోంది. బాసిల్ జోసెఫ్ తన ఇన్‌స్టాగ్రామ్ స్టోరీలో ‘ICON’ అనే పదం ఉన్న ఒక టోపీ ఫొటోను షేర్ చేశారు. అంతేకాకుండా, ఆ పోస్ట్‌కు అల్లు అర్జున్ నటించిన ‘ఆర్య 2’ చిత్రంలోని సూపర్‌హిట్ పాట ‘రింగా రింగా’ను బ్యాక్‌గ్రౌండ్ మ్యూజిక్‌గా జోడించారు. దీంతో ఈ పోస్ట్ నేరుగా అల్లు అర్జున్‌ను ఉద్దేశించినదేనని అభిమానులు భావిస్తున్నారు.

ఈ ఒక్క సోషల్ మీడియా అప్‌డేట్‌తో అల్లు అర్జున్, బాసిల్ జోసెఫ్ కాంబినేషన్ దాదాపు ఖాయమైనట్టేనని సినీ వర్గాల్లో చర్చ మొదలైంది. అధికారిక ప్రకటన లేకపోయినా, ఈ పోస్టు వెనుక పెద్ద అప్‌డేట్ ఉండొచ్చని అభిమానులు ఆసక్తిగా ఎదురుచూస్తున్నారు. దర్శకుడిగా బాసిల్ జోసెఫ్ ఇప్పటికే ‘మిన్నల్ మురళి’ వంటి సూపర్‌హిట్ ఫాంటసీ చిత్రంతో తన ప్రత్యేక ముద్ర వేశారు. వినూత్న కథలను ఎంచుకోవడంలో ఆయనకు మంచి గుర్తింపు ఉంది. అలాంటి దర్శకుడితో అల్లు అర్జున్ జతకడితే, పాన్ ఇండియా స్థాయిలో మరో భారీ ఫాంటసీ ఎంటర్‌టైనర్ రూపొందే అవకాశాలు కనిపిస్తున్నాయి.

ప్రస్తుతం ఈ ప్రాజెక్ట్‌కు సంబంధించిన అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు. బాసిల్ జోసెఫ్ చేసిన ఈ చిన్న పోస్టు మాత్రం సోషల్ మీడియాలో పెద్ద చర్చకు దారి తీసింది. ఇప్పుడు నిజంగానే ఈ క్రేజీ కాంబినేషన్ పట్టాలెక్కుతుందా? అనే ప్రశ్నకు సమాధానం త్వరలోనే వచ్చే అవకాశాలు కనిపిస్తున్నాయి. అల్లు అర్జున్ కి కూడా మలయాళంలో మంచి క్రేజ్ ఉంది. వీళ్ళ కాంబినేషన్ గనుక పట్టాలేక్కితే మాత్రం ఫ్యాన్స్ కు పండగనే చెప్పాలి.

Just Dropped…💣💣🥵🥵

Basil joshep posted a icon cap with ringa ringa in his insta…

Looks like AlluArjun x Basil joshep combo is very much on track

After number of discussions and developments, AlluArjun finally satisfied with the script 😭

Announcement is expected soonnnn… pic.twitter.com/s3a2wvOJoj

— AlluArjunFANS (@AlluArjunFFANS) July 14, 2026