Madhave Madhusudana: కొడుకు కోసం మెగా ఫోన్ పట్టిన మేకప్ మ్యాన్!

Bommadevara Ramachandra Rao: టాలీవుడ్ లో పేరున్న మేకప్ మ్యాన్ బొమ్మదేవర రామచంద్రరావు. పలు విజయవంతమైన చిత్రాలకు మేకప్ మ్యాన్ గా పనిచేసిన బొమ్మదేవర రామచంద్రరావు… అక్కినేని కుటుంబానికి అత్యంత ఆత్మీయులు. విశేషం ఏమంటే… ఆయన గతంలో అనుష్క నాయికగా సముద్ర దర్శకత్వంలో ‘పంచాక్షరి’ చిత్రాన్ని నిర్మించారు. ఇప్పుడు తన తనయుడు తేజ్ బొమ్మదేవర కోసం నిర్మాతగానే కాదు… దర్శకుడిగానూ మారారు.

బొమ్మదేవర శ్రీదేవి సమర్పణలో సాయి రత్న క్రియేషన్స్ పతాకంపై బొమ్మదేవర రామచంద్రరావు దర్శక, నిర్మాణ సారధ్యంలో తెరకెక్కుతున్న ఈ చిత్రం పేరు ‘మాధవే మధుసూదనా’. హీరో తేజ్ బొమ్మదేవర సరసన రిషిక లోక్రే హీరోయిన్ గా నటిస్తోంది. ఇప్పటికే సెట్స్ పై ఉన్న ఈ మూవీలోని తొలి గీతాన్ని నాగచైతన్య తాజాగా ఆవిష్కరించారు. ఈ సందర్భంగా అతను మాట్లాడుతూ, “పాట చాలా బావుంది. మొదటగా తేజ్ కి కంగ్రాట్యులేషన్ చెప్పాలి. అతని డాన్స్ బావుంది. యాక్టింగ్ బావుంది, అలాగే లుక్ అన్ని బాగా కుదిరాయి. ఇక మా చంద్ర గురించి ఏం చెప్పాలో నాకు తెలియడం లేదు. చిన్నప్పుడు సెలవుల్లో నాన్న షూటింగ్స్ కి వెళుతుండేవాడిని. అక్కడ చంద్ర పక్క నుండి అన్నీ చెబుతుండేవారు. అలాంటి చంద్ర ఇవ్వాళ ఒక సినిమా ప్రొడ్యూస్ చేసి డైరెక్ట్ చేసాడు అంటే చాలా ఆనందంగా ఉంది. చంద్ర ఇంత బాగా హ్యాండిల్ చేస్తారని ఊహించలేదు. వెరీ వెరీ హ్యాపీ” అన్నారు. ఇందులో తాను మూడు పాటలు విన్నానని, అన్నీ బాగున్నాయని, కొరియోగ్రఫీ కూడా ఎంతో బాగుందని నాగచైతన్య కితాబిచ్చారు. ఈ సందర్భంగా హీరోయిన్ రిషికతో పాటు కొరియోగ్రాఫర్స్ రాజు మాస్టర్, రఘు మాస్టర్, బృంద మాస్టర్ కు అభినందనలు తెలిపారు. ఈ సినిమాకు వికాస్ బాడిస అందించిన సంగీతం మేజర్ హైలెట్ అని, వాసు సినిమాటోగ్రఫీ ఈ సినిమాకు ప్లస్ అవుతుందని, ఉద్దవ్ ఎస్ బి ఎడిటర్‌గా బాగా వర్క్ చేశారని దర్శక నిర్మాతలు చెప్పారు.