Lenin: పెద్ది కోసం వెనక్కి తగ్గిన అయ్యగారు!

అక్కినేని అఖిల్ హీరోగా, మురళీకృష్ణ అబ్బూరు దర్శకత్వంలో ‘లెనిన్’ అనే సినిమా రూపొందుతున్న సంగతి తెలిసిందే. సితార నాగవంశీ నిర్మిస్తున్న ఈ సినిమా వాస్తవానికి మే 1వ తేదీన రిలీజ్ కావాల్సి ఉంది. అయితే, తాజాగా ఈ సినిమా రిలీజ్ పోస్ట్‌పోన్ చేస్తున్నట్లు అధికారికంగా ప్రకటించారు.
రామ్ చరణ్ హీరోగా నటిస్తున్న ‘పెద్ది’ ఏప్రిల్ 30వ తేదీన రిలీజ్ అవుతుంది. ఈ నేపథ్యంలో ఆ సినిమాని సెలబ్రేట్ చేసుకోవడమే కరెక్ట్. అక్కినేని అఖిల్‌కి రామ్ చరణ్‌తో మంచి అనుబంధం ఉంది.

Also Read:Abhilash Reddy : ప్రాణాలకు తెగించి బైకర్ షూటింగ్.. శర్వా అయితే 23 కిలోల వెయిట్ లాస్!

ఈ నేపథ్యంలో ఆయన మీద ఉన్న గౌరవంతో ‘లెనిన్’ వాయిదా వేస్తున్నట్లు ప్రకటించారు. ఈ సినిమా 26 జూన్, 2026వ తేదీన ప్రపంచవ్యాప్తంగా ప్రేక్షకుల ముందుకు రాబోతున్నట్లుగా ప్రకటించారు. కచ్చితంగా ఈ సినిమా ఒక సెలబ్రేషన్ లా ఉంటుందని, ప్రతి ఎమోషన్ సహా అన్ని విషయాలు ఆకట్టుకునేలా ఉంటాయని పేర్కొన్నారు. ఇక ఈ సినిమాని అక్కినేని నాగార్జున, సూర్యదేవర నాగవంశీ సంయుక్తంగా నిర్మిస్తున్నారు. నవీన్ నూలి ఎడిటర్‌గా వ్యవహరిస్తున్న ఈ సినిమాకి అవినాష్ కొల్ల ఆర్ట్ డైరెక్టర్‌గా వివరిస్తున్నారు. ఇక ఈ సినిమాకి తమన్ సంగీతం అందిస్తున్నారు.