యువ హీరో అఖిల్ అక్కినేని తదుపరి చిత్రం లెనిన్ పై టాలీవుడ్లో అంచనాలు భారీగా పెరిగిపోతున్నాయి. ఈ సినిమాకు సంబంధించి తాజాగా ఒక అదిరిపోయే అప్డేట్ బయటకొచ్చింది. అభిమానులు ఎంతగానో ఎదురుచూస్తున్న ఈ మోస్ట్ అవేటెడ్ ప్రాజెక్ట్ జూన్ 25న రిలీజ్ కావాల్సి ఉంది. అయితే సినిమా వాయిదా పడి ఈ ఏడాది జులై 10న ప్రేక్షకుల ముందుకు రాబోతోంది. సాధారణంగా సినిమాల ఆలస్యం అభిమానులను కాస్త నిరాశకు గురిచేస్తుంది. కానీ, ఇక్కడ సీన్ రివర్స్ అయింది. చిత్ర యూనిట్ చూపించిన పట్టుదల, సినిమాపై వారకున్న పిచ్చి నాగార్జునను ఎంతగానో ఆకట్టుకుందట.
నాగార్జున అసలు ఏమన్నారంటే..?
“లెనిన్ చిత్ర బృందం నా దగ్గరకు వచ్చి ఒక చిన్న రిక్వెస్ట్ అడిగారు. ఔట్పుట్ విషయంలో ఎక్కడా కాంప్రమైజ్ కాకుండా, తమ వందకు వంద శాతం శ్రమను పెట్టి… ప్రేక్షకులకు ఒక అద్భుతమైన దృశ్యకావ్యాన్ని అందించడానికి కొంచెం సమయం కావాలని కోరారు. వారిలో ఉన్న ఆ కసి, సినిమాపై ఉన్న అంకితభావం చూశాక నేను కాదనలేకపోయాను. అందుకే ఈ నిర్ణయం.” అని నాగ్ పేర్కొన్నారు ఈ ఆలస్యం వెనుక ఉన్న కారణాన్ని చెప్తూనే, అక్కినేని అభిమానులకు ఒక హామీ ఇచ్చారు కింగ్. “మనోడు జూలై 10న వస్తున్నాడు. నేను మళ్లీ మళ్లీ చెప్తున్నా… ఈసారి మీరు ఒక సరికొత్త అఖిల్ను వెండితెరపై చూడబోతున్నారు” అంటూ నాగార్జున ధీమా వ్యక్తం చేశారు. ఈ పోస్ట్తో అఖిల్ కెరీర్లోనే ‘లెనిన్’ ఒక మైల్స్టోన్గా నిలవబోతోందనే సంకేతాలు స్పష్టంగా కనిపిస్తున్నాయి. మునుపెన్నడూ చూడని సరికొత్త మాస్ బాడీ లాంగ్వేజ్, నటనతో అఖిల్ థియేటర్లలో రచ్చ లేపడానికి సిద్ధమవుతున్నట్లు తెలుస్తోంది.