Akhil Akkineni: అఖిల్ అక్కినేని.. వారం నుంచి ఈ పేరు సోషల్ మీడియాలో మారుమ్రోగిపోతుంది. ఇప్పటివరకు అప్పుడప్పుడు సోషల్ మీడియాలో సందడి చేసే అఖిల్.. ఇప్పుడు నిత్యం సోషల్ మీడియాలోనే ఉంటున్నాడు. అందుకు కారణం ఏజెంట్. సురేందర్ రెడ్డి దర్శకత్వంలో తెరకెక్కుతున్న ఈ సినిమా ఏప్రిల్ 28 న ప్రేక్షకుల ముందుకు రానుంది. ఇక రిలీజ్ డేట్ దగ్గరపడుతుండటంతో వరుస ప్రమోషన్స్ చేస్తూ సినిమాపై హైప్ తీసుకొస్తున్నారు. అయితే మొదటి నుంచి పాన్ ఇండియా సినిమాగా రిలీజ్ చేస్తామని చెప్పిన మేకర్స్ .. ఈ విషయంలో వెనక్కి తగ్గినట్లు తెలిపారు. అయినా పర్లేదు.. అఖిల్ ఉంటే .. అది పాన్ ఇండియా అయిపోతుందని ఫ్యాన్స్ చెప్పుకొస్తున్నారు. ఇక తాజాగా అఖిల్ మీడియాతో ఇంటరాక్ట్ అయ్యాడు. వారు అడిగిన ప్రశ్నలకు ఎంతో ఓపిగ్గా సమాధానాలిచ్చాడు. ఈ నేపథ్యంలోనే అఖిల్ కు ఒక అనుకోని ప్రశ్న ఎదురయ్యింది. అఖిల్ అన్న నాగ చైతన్య- హీరోయిన్ శోభితా ధూళిపాళ్ల మధ్య ఎఫైర్ నడుస్తుందని వార్తలు గుప్పుమన్న విషయం తెల్సిందే. లండన్ లో వీరిద్దరూ డేటింగ్ కు వెళ్లిన ఫోటో నెట్టింట లీక్ అయ్యి సంచలనం సృష్టించింది.
Ravanasura: వంద కోట్ల హీరో సినిమాకి పది కోట్లు నష్టమా?
ఇక ఇదే విషయాన్ని ఒక రిపోర్టర్ అఖిల్ ముందు ఉంచాడు. ” మీ అన్నయ్య నాగ చైతన్య సోషల్ మీడియాలో బాగా వైరల్ అవుతున్నారు ఎవరో అమ్మాయితో కనిపించి మరి మీ పరిస్థితి ఏంటని” అడిగేశాడు. ఇక దానికి అఖిల్ విసుక్కోకుండా తాను ఏజెంట్ కోసం కష్టపడిన విధానాన్ని చెప్పుకొచ్చాడు. “నా పరిస్థితి ఏజెంట్ మూవీ.. దానికోసం నేను రెండేళ్లుగా ఈ బాడీ, హెయిర్ ను మెయింటైన్ చేయడతోనే సరిపోయింది. ప్రస్తుతం నా దృష్టి మొత్తం సినిమాలపైనే ఉంది” అని చెప్పుకొచ్చాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి.
