AK62 : నయన్ బాయ్ ఫ్రెండ్ తో అజిత్ నెక్స్ట్ మూవీ

AK62పై అఫిషియల్ అనౌన్స్మెంట్ వచ్చేసింది. కోలీవుడ్ స్టార్ అజిత్ కుమార్ ఇటీవలే “వలిమై” సినిమాతో ప్రేక్షకుల ముందుకు వచ్చిన విషయం తెలిసిందే. ఈ సినిమాతో అభిమానులను ఆకట్టుకున్న అజిత్ నెక్స్ట్ సినిమా గురించి అప్పుడే చర్చ మొదలైపోయింది. అంతేకాదు రూమర్స్ కూడా స్టార్ట్ అయ్యాయి. “వలిమై” విడుదలైనప్పటి నుంచి అజిత్ తదుపరి చిత్రం దర్శకుడు ఇతనేనంటూ సోషల్ మీడియాలో చర్చ మొదలైంది. అయితే ఎట్టకేలకు నిరీక్షణ ముగిసింది, అజిత్ కుమార్ కొత్త ప్రాజెక్ట్ AK62 గురించి లైకా ప్రొడక్షన్స్ అధికారిక ప్రకటన చేసింది. స్టార్ ఆన్‌బోర్డ్‌కు స్వాగతం పలుకుతూ ట్విట్టర్‌లో ఒక పోస్ట్‌ను పంచుకున్నారు. AK62 డైరెక్టర్ విగ్నేష్ శివన్ దర్శకత్వంలో రూపొందుతుందని, ఈ ప్రాజెక్ట్ కు అనిరుధ్ సంగీతం అందిస్తారని, అజిత్‌ కుమార్‌తో కలిసి పని చేయడం చాలా ఆనందంగా, గర్వంగా ఉందని వెల్లడించారు. మిగతా వివరాలను త్వరలోనే వెల్లడించనున్నారు.

Read Also : RRR Dubai Press Meet : రాజమౌళితో చనువుగా ఉండటం మైనస్… ఎన్టీఆర్ కామెంట్స్

ఈ సినిమా షూటింగ్‌ను ఈ ఏడాది చివర్లో ప్రారంభించి, వచ్చే ఏడాది మధ్యలో విడుదల చేసేందుకు ప్లాన్ చేస్తున్నారు. మరోవైపు విఘ్నేష్ శివన్ తన రొమాంటిక్ కామెడీ “కాతు వాకుల రెండు కాదల్” సినిమాను విడుదల చేయడానికి సిద్ధంగా ఉన్నాడు. ఈ చిత్రంలో విజయ్ సేతుపతి, సమంతా రూత్ ప్రభు, నయనతార ప్రధాన పాత్రలు పోషిస్తున్నారు. ఈ ముక్కోణపు ప్రేమకథా చిత్రం ఏప్రిల్ 28న ప్రేక్షకుల ముందుకు రానుంది.